Mbalula: ‘Verskoning vir rassistiese uitbarsting nie genoeg’

'n Skermskoot van die plasing voor dit verwyder is. Die foto is digitaal gemanipuleer.

‘n Skermskoot van die plasing voor dit verwyder is. Die foto is digitaal gemanipuleer.

Fikile Mbalula, die minister van sport, het Vrydag gesê Matthew Theunissen (26), die man wat vandeesweek erg deurgeloop het nadat hy rassistiese uitlatings op sy Facebook-profiel gemaak het, moet die gevolge van sy dade dra.

Mbalula het joernaliste toegespreek in aanloop tot sy begrotingsrede in die parlement en gesê Theunissen se verskoning is nie goed genoeg nie en stel ʼn slegte voorbeeld.

“As jong mense net allerhande goed oor swartes gaan sê en die k-woord gebruik, dan gaan dit gebeur. Dit gaan beteken dat Nelson Mandela en sy generasie verdraagsaam was teenoor die AWB. Terreblanche – mag sy siel in vrede rus – het nie oorleef met sy rassisme in Suid-Afrika nie, want Suid-Afrikaners, swart en wit, het verenig gestaan om te sê dit is malligheid dié. Dít is agterlik, dít is fascisties,” het Mbalula gesê.

“Dit kan nie geduld word nie, so hoekom laat ons fascistiese neigings toe om in ons samelewing pos te vat en uitgespreek te word sonder ingryping om te sê dit sal nie geduld word nie?”

Maroela Media het vroeër berig Theunissen het ʼn herrie veroorsaak met ʼn inskrywing op sy Facebook-profiel in reaksie op Mbalula se onlangse verbod op sporttoernooie weens transformasie. “So no more sporting events for South Africa … I’ve never been more proud than to say our government are a bunch of K*****S … yes, I said it so go and f**k yourselves you black f***ing c***s.” [sic], het Maandag op Theunissen se Facebook-profiel verskyn.

Theunissen het sedertdien in ʼn ope brief om verskoning gevra vir sy uitlatings.

Mbalula het gesê hy verwelkom kritiek en verskillende idees, maar Theunissen het te ver gegaan. Hy het voorgestel dat Theunissen dronk was toe hy die inskrywing gemaak het. “Wanneer jy dronk is, kom jou regte gevoelens uit. Die hele nasie moet nou gyselaar gehou word deur iemand se dronkpraatjies wat dan net gevolg word deur ʼn verskoning,” het hy gesê.

“Wees nugter, wees verantwoordelik en verstaan dat dit wat jy doen gevolge het.” Mbalula wou nie spesifiseer watter gevolge Theunissen in die gesig moet staar nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
cobusp

Praat van dronk wees toe Matt die uitlatings op Facebook gedoen het volgens die minister……..ek wonder hoe nugter die minister was toe hy besluit het om sanksies in te stel teenoor rugby krieket netbal en atletiek waar alle oorsese spanne en groot byeenkomste geblok word………..geen nugtere persoon maak sommer sulke besluite nie.

Grap

Totale aanslag op wit mense deur ‘n rassistiese minister,rugby moet swart word maar die sokker is reg met net swart spelers .wit mense mag niks se maar nie ‘n woord word gerep oor swart aanvalle op wit mense nie… minister loop vlieg in jou dinges in ek erken jou en jou korrupte regering in elk geval nie.

Acca

100 % as hy die saak verder wil neem. Ek hoop hy doen dieselfde teenoor sy “boetie” wat vertel hoe moet blankes uitgemoor word en ook maar net verskoning gevra het en niemand kla meer daaroor nie. Ek daag die DA uit om hom hieroor aan te vat as hy die saak verder wil neem. Wonder wie is regtig die rassiste in ons land

stef

Praat van onverdraagsaamheid teenoor die ander ras(se)! Mbalula se onderrok hang self ver uit: as hy ‘n ware leier in die nuwe SA was, sou hy iets gese het soos: ‘Ja, ok, ek aanvaar hy was onder die invloed. Hoewel sy uitsprake onaanvaarbaar is, moet ons in hierdie land leer om te vergewe en vergeet.’

Wat hy wel nou propageer is dat daardie deel van die bevolking wat ook deur Theunissen se woorde beledig voel, self sal voortgaan om vuur te spoeg teenoor die ‘arrogante’ wittes. Mbalula stel self nie belang in versoening nie.

Sondaar

Die Hele mensdom, is as sondaars gebore.
Wonder maar net …