Mbete vra meer tyd om oor geheime stemming te besluit

Speaker Baleka Mbete in die parlement. Foto: GCIS

Baleka Mbete, speaker van die nasionale vergadering, het meer tyd versoek om ʼn besluit te maak of die mosie van wantroue teen pres. Jacob Zuma in geheim moet geskied.

Die mosie van wantroue is vir 8 Augustus belê.

Die Demokratiese Alliansie (DA), wat die mosie gebring het, het vandeesweek aan die speaker geskryf om te versoek dat sy voor Vrydag haar besluit maak.

Die parlement het Vrydag in ʼn verklaring gesê die speaker het aan die DA se hoofsweep, John Steenhuisen, geantwoord die besluit oor hoe die stemming gaan geskied, moet nog gemaak word en sal voor of op 8 Augustus aan al die partye gekommunikeer word.

“Terwyl die konstitusionele hof bevind het dat die speaker die diskresie het om ’n stemprosedure tydens die mosie van wantroue te bepaal, moet daardie besluit verskeie faktore en omstandighede in ag neem, insluitend dat so ’n besluit rasioneel en nie arbitrêr moet wees nie,” lui die verklaring.

“Die hof het in hierdie verband nie ’n spesifieke tydraamwerk voorgeskryf waarbinne die besluit geneem moet word nie, maar behoorlike oorweging moet gegee word aan die omstandighede in hierdie geval om te verseker dat dit die toets van rasionaliteit slaag. Die omstandighede vereis noukeurige oorweging. Die speaker doen ʼn beroep op alle partye om haar die nodige ruimte te gun om ʼn behoorlike besluit te neem.”

Die DA het vroeër die week gesê daar is geen rede hoekom die speaker nie haar besluit voor Vrydag kon gemaak het nie en wag tot op die nippertjie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
Apie

Sy het tyd nodig om skelmstreke bymekaar te sit om verby hierdie een te kom. Wag vir aanbevelings van die Guptas en die Zuptas.

Albert Juergen

Sy lank reeds besluit en dit haar meester Zuma en Guptas pas! Wil my verstout om te sê Mbete sal nie ‘n geheime stemming toelaat nie kans is goed dat Zuma sal moet loop want daars baie cANCer lede wat moeg is vir Zuma se leuens en skelm streke, en saam met die opposisie partye sal stem!

Gerrie

Hier is n slang in die gras !

Ernst

Ja Gerrie ek stem, daar is altyd ‘n slangindie gras met die spul. Dit sal my twee sekondes vat om te besluit. Did moet in die geheim wees.

Blits

Sy like die aandag, ons almal weet dat sy onder geen omstandigdhede n gehuime stemming sal toe laat nie. beslis nie teen ha boyfriend nie, hy sorg te goed vir haar met sakke vol geld by gupta en sy nkhandla huis