Mboweni oor stryd teen beleidsonsekerheid

Tito Mboweni. Foto: Elmond Jioyane/GCIS

Die regering is besig om te vorder met die uitskakeling van beleidsonsekerheid, wat ekonomiese groei en buitelandse investering beduiwel, meen Tito Mboweni, minister van finansies.

Hy het geantwoord op ʼn skriftelike parlementêre vraag van die DA-LP Michael Shackleton oor watter vordering gemaak word met die uitroei van die beleidsonsekerheid waarna hy in verlede jaar se toespraak tot die aanvullende begroting en vanjaar se begrotingsrede verwys het.

Mboweni het by nege beleidsaspekte stilgestaan, te wete visumvoorwaardes, mynbou, die petrolprys, staatstenders, die telekommunikasiespektrum, hernieubare energie, energiebeplanning, grondhervorming en beter bestuur van Eskom.

Mboweni het uitgewys dat geboortesertifikate nie meer vereis word vir buitelanders wat na en van Suid-Afrika wil reis nie, wat toerisme en belegging sal aanmoedig. Dit is reeds in die Staatskoerant gepubliseer en is dus van krag. Voorts word ʼn nuwe e-visumstelsel tans in Suid-Afrikaanse ambassades en konsulate ingestel, met Nieu-Seeland as proefkonyn.

Wat mynbou betref is ʼn nuwe mynboumanifes daargestel en die Wetsontwerp op die Ontwikkeling van Minerale- en Petroleumhulpbronne is nie meer regeringsbeleid nie. Skeiding gaan gemaak word in die regulering van die eksplorasie van olie en gas, onderskeidelik.

Wat staatstenders betref word daar volgens Mboweni gewerk aan ‘n hersiening van die Nasionale Tenderwet (National Procuremant Act) om maatskappye waarin swart mense en vroue groot belang het, te bevoordeel. Hy het egter nie verwys na enige plan van die regering om ʼn openbare tenderstelsel soos wat in die Wes-Kaap bestaan, in te stel nie.

ʼn Uitgebreide telekommunikasiespektrum behoort volgens Mboweni teen die 2020/2021 finansiële jaar in werking te wees.

Wat hernieubare energie betref word daar tans met 27 onafhanklike elektrisiteitsvoorsieners saamgewerk, en die nuwe geïntegreerde hulpbronplan vir energiebeplanning dien tans voor die parlement.

Oor grondhervorming het die minister uitgewys dat ʼn presidensiële adviesraad daargestel is om pres. Cyril Ramaphosa van raad te voorsien, en soverre dit Eskom en ander staatsbeheerde ondernemings aangaan, het Mboweni onderneem dat verskeie planne van krag is om beter bestuur te verseker.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Johan

Níks sal vir die beter verander nie. Nie n enkele ding nie. Dis verseker.

? leser

geen geboorte sertifikate nie, dis hoekom daar meer “buitelanders” in sa is as wat daar sa boorlinge is

ne

Ry maar saam op die soustrein.

Johanna Botha

Al beleid wat seker is is dat SA aan die afgaan is …kyk om jou ons lewe in n dump …alles gebreek met skelms om elke hoek en draai.

Ben Potgieter

Vir die afgelope 25 jaar het die huidige sodanige demokratiese regime die land die grond in bestuur.Wat nou gaan verander sal net die duiwel weet.Weereens 9 nuttelose planne waar daar nie veel van sal kom nie.Solank ‘n sin gaan begin dis vir swart mense en vroue wat voordeel gaan trek kan jy maar weet die ondemokratiese stelling gaan net sekere mense bevoordeel met korrupsie daarby ingereken.Sover ek verstaan beteken demokrasie almal is gelyk,maar nie onder ANC beleid nie.Hulle werk hard daaraan om die witman en sy kultuur orals uit te werk.Waar ons graag ‘n bydrae sou wil maak tot die… Lees meer »