Mediclinic staak ‘vir eers’ verpligte inenting

Mediclinic Hart-hospitaal in Pretoria bloot ter illustrasie.

Mediclinic het besluit om sy verpligte inentingsmandaat tydelik uit te stel. Dit beteken dat alle werknemers – ingeëntes én nie-ingeëntes – tot verdere kennisgewing in hul huidige posisies by die hospitaalgroep geakkommodeer sal word.

Mediclinic Suider-Afrika het Woensdag in ’n verklaring gesê die hospitaalgroep het die implementering van sommige van die maatreëls wat in sy inentingsmandaat vir werknemers vervat is, verslap.

Dié besluit is glo geneem met inagneming van die verminderde risiko in die werkplek weens die Omikronvariant.

Die hospitaalgroep sou aanvanklik al hul werknemers vanaf April verplig het om die inenting teen Covid-19 te kry, nadat die groep besluit het dat ’n verpligte inentingsbeleid nie net wenslik is nie, “maar eties die regte ding is om te doen om ’n veilige en positiewe werkomgewing vir werknemers te skep”.

Die inentingsbeleid maak wel voorsiening vir moontlike vrystelling vir persone wat om geldige mediese en grondwetlike redes nie ingeënt kan word nie.

“Onlangse data dui daarop dat die Omikronvariant anders opgetree het as die voorafgaande variante. Hierdie verandering in simptome het die las op ons hospitale verlig en veranderings aan die inperkingsregulasies meegebring.

“Die beleid bly in plek, maar word verslap as gevolg van die huidige beskikbare kliniese bewyse en risiko-evaluering,” lui die verklaring.

Mediclinic Suider-Afrika sê die hospitaalgroep bly wel onwrikbaar in sy siening dat inenting die beste beskerming teen ernstige infeksie en dood bied.

  • Mediclinic Suider-Afrika sal voortgaan om die pandemie noukeurig te monitor en kan moontlik sy besluit vorentoe heroorweeg, indien nodig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

21 Kommentare

Liesje ·

En dit vanuit ‘n mediese omgewing..ek is baie dankbaar dat my werkgewer die verstandigheid gehad het om dit nie af te dwing nie. Hulle het verseker reg opgetree.

Christine ·

My dokter sal bly wees, want hy werk vir hulle en weier om ingeent te word. Bly vir jou, dok, mooi so.

Martin ·

En so wil almal tog net “polities korrek” wees en saam met die trop beweeg. Klink net soos die SAPD se motto “hulle sal die situasie noukeurig monitor”…

Christine ·

Dit moet senutergend wees vir die personeel om heeltyd hierdie swaard oor hul kop te hê – vandag nee, môre miskien en oormore ja. Dis belaglik. Laat mense net voortgaan met hul lewens, werk en ‘n bestaan maak.

VaalDonkie ·

Ons maatskappy het gese hulle gaan op 1 Maart die dinge verpligtend maak. Ek moes verduidelik waarom ek nie die spuit wou he nie. Ek moes toe met ‘n “konsultant” praat. Ek het direk na die vergadering begin werk soek en het binne 5 dae ‘n vaste aanbod met ‘n 15% verhoging by ‘n ander plek gekry. Gelukkig is ek in ‘n bedryf waar werk volop is. My hart bloei vir diegene wat onder geweldige druk verkeer omdat hul grondwetlike regte omseil word.

Samuel ·

Dit is die regte besluit om hierdie inenting nie verpligtend te maak nie. Dankie vir rede wat seëvier.

Anel ·

As ‘n hospitaalgroep so besluit, wie is ander plekke om dit af te dwing?

Hendrik ·

En toe die hospitaalgroepe mense verplig het om ingeënt te wees, was hulle toe ook reg?

VaalDonkie ·

Mens wonder natuurlik hoeveel teenkanting van binne daar was dat hulle dit nodig geag het om briek aan te draai…

Marius ·

Weereens ‘n bewys dat die inentings totaal onnodig is. Natuurlike immuniteit is baie beter. Staak die maskers, sanitasie en al die belaglike reëls. As gevolg van al die regulasies wat afgedwing word is ons land in ‘n ekonomiese verknorsing.

Madeleine ·

Maar die laaste paragraaf laat my wonder… Dalk net stilte voor storm…

KB ·

Hulle het besef dat hul optrede ongrondwetlik is (mbt die Arbeidswet). Daar wás regoptrede teen hulle.

Chris ·

Einde van Demokrasie – When proponents of human rights stifle the truth and deny debate by arguing that it might cause division, yet permit unfettered access to the lie so as to create the very division they allege they are protective of.

Chris ·

Dalk het dit iets hiermee te make – UK Daily Mail (Mail Online) – “More evidence Covid was tinkered with in a lab? Now scientists find virus contains tiny chunk of DNA that matches sequence patented by Moderna THREE YEARS before pandemic began”. Dan het almal vir Dr Vosloo gestenig omdat sy gewaag het om die insig te openbaar oor waarop die media nou vrylik raporteer.

Danny ·

Gebede dra krag, mag ons nog verder bid dat alle instansies so sal redeneer en dat daar nie ongrondwetlik opgetree word nie. Risiko is veel te groot en die naloop van sake is slegs werkloosheid – enigste ding wat hieruit spruit. Bid, bly bid!

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.