Medupi-kragstasie nou nasionale sleutelpunt

Medupi-kragstasie Foto: Eskom

Medupi-kragstasie Foto: Eskom

Eskom het aangekondig dat sy Medupi-kragstasie tot ʼn nasionale sleutelpunt verklaar is.

Die kragverskaffer het Woensdag in ʼn verklaring gesê die kragstasie is van kritieke belang vir die verskaffing van elektrisiteit om beurtkrag te voorkom. “Dit is noodsaaklik vir die veiligheid van hierdie bate om as ʼn nasionale sleutelpunt verklaar word, soos gedefinieer deur die Wet op Nasionale Sleutelpunte.”

Eskom het gesê ʼn inhuldigingseremonie is Woensdag by die kragstasie gehou. “Die Medupi-kragstasie is van strategiese en nasionale belang as gevolg van sy opwekkingsvermoë wat 4 764 MW sal lewer wanneer dit voltooi is,” het Eskom gesê.

Volgens Eskom is Medupi van kritieke belang vir die maatskappy se verantwoordelikheid teenoor Suid-Afrika se ekonomiese groei, werkskepping en sosio-ekonomiese ontwikkeling van Lephalale in Limpopo.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Jaja

Ja en ek neem aan, duisende rande is vir die sg inhuldiging gebruik Enigiets vir ‘n lekker stinkryk party. More word ons krag weer opgeskuif! Regtig siek!

Chris

Dalk n druk fout . Moet eerder wees NASIONALLE ANC GEDENK “BOGGEROP”

Annie

Goeie genade Jaja…het jy ooit n happy moment? Vandag is ek skoon siek en sat vir al die mense wat alewig so negatief reageer op enigiets wat geplaas word…hemel as jy in n slegte bui opstaan moet eerder nie kommentaar lewer op berigte in die nuus nie

Remondo

Dankie dat die stasie klaar is , hopenlik geen beurtkrag meer nie;)

adrian

Remondo, ver van klaar , sleutelpunt???? Om als weg te steek mmmmmm wonder net