Die getal aktiewe Covid-19-gevalle in Tshwane het nou amptelik die metro se getal aktiewe gevalle tydens die piek van die tweede virusgolf verbygesteek.
Burgemeester Randall Williams het Maandag gesê die Stad Tshwane se jongste Covid-19-verslag toon dat die getal aktiewe gevalle in die metro tot 17 130 geklim het.
Dít dui op ʼn beduidende toename in aktiewe virusgevalle aangesien dié syfer verlede week op 10 971 gestaan het.
“Dié syfer is veral kommerwekkend aangesien die Stad tydens die piek van die tweede vlaag ongeveer 16 000 aktiewe gevalle beleef het, voordat ʼn afname in gevalle opgemerk is,” sê die burgemeester.
“Indien ons na die huidige tendens kyk, word dit duidelik dat aktiewe Covid-19-gevalle tans vinnig aan die toeneem is.”
Williams sê voorts nuwe bevestigde daaglikse gevalle neem ook skerp toe, met tussen 2 100 en 2 300 gevalle per dag.
Onlangse toename in nuwe Covid-19-gevalle:
Donderdag, 17 Junie | 2 154 nuwe gevalle |
Vrydag, 18 Junie | 2 210 nuwe gevalle |
Saterdag, 19 Junie | 2 333 nuwe gevalle |
Sondag, 20 Junie | 2 295 nuwe gevalle |
Maandag, 21 Junie | 2 337 nuwe gevalle |
ʼn Beroep word nou opnuut op die inwoners van Tshwane gedoen om vlak 3-afsonderingsregulasies streng na te kom. Pretorianers word spesifiek gevra om getrou hul hande te was, gesigmaskers te dra en sosiale afstand te handhaaf.
Hoe veilig is dit dan om nou in Gauteng na ‘n inentingsentrum te gaan?
dis moeilik
En as jy daar kom dan staan jy die hele dag en word net weer gevra om more terug te kom….
Nie as jy geregistreer is nie
Die “golwe” is angsgedrewe en die angs is maatreëlsgedrewe weens aftakeling van immuniteit – die “golwe” is dus nie weens erger virusvariante nie maar weens die skepping van ‘n vreeskultuur.
Jan so as mens se koors oor 38 grade C gaan en die hoes, lyfpyn en asemtekort begin, en die bloed suurstof vlakke val < 80% en ek is semi bewusteloos, moet ek ICU toe gaan of 'n afspraak maak met my sielkundige dat hy kalmeerpille voorskryf ? Jou insig sal wardeer word.
Darem maar snaaks nou dat die DA weer aan bewind is….
het jy niks anders om te sê nie ? sê dan liewer boggerol
LOL Jy’s 100% reg, sal maar maak soos die res en net my kop skud en niks se nie…………