Argieffoto
Altesaam 4 097 pasiënte is op die waglys vir operasies by George Mukhari-hospitaal in Gauteng, en van hulle sal tot vyf jaar lank moet wag vir hul operasies.
Die inligting is onthul deur Bandile Masuku, Gautengse LUR vir gesondheid, in ʼn geskrewe reaksie op vrae in die Gautengse wetgewer, het Jack Bloom, die DA se skadu-LUR vir gesondheid, in ʼn verklaring gesê.
Die langste wagtyd is vir heup- en knieoperasies. Altesaam 558 pasiënte moet vir vier weke lank wag as dit dringend is, andersins tot vyf jaar. Dit beteken dat ʼn nuwe pasiënt ʼn datum in 2024 kan verwag vir sy of haar operasie, het Bloom verduidelik.
Ander lang waglyste is vir algemene operasies (1 386 pasiënte wag tussen twee weke tot een jaar), oftalmologie (984 pasiënte wag tussen twee weke tot twee jaar), hand- en mikro-operasies (240 pasiënte wag tussen drie weke tot twee jaar), pediatriese chirurgie (233 pasiënte wag tussen twee weke tot 36 weke), en neurochirurgie (141 pasiënte wag tussen een week tot twee jaar).
Volgens Masuku is die lang waglyste toe te skryf aan onvoldoende teatertyd, ʼn tekort aan narkotiseurs en verpleërs, infrastruktuurprobleme soos die ou hospitaal, daklekkasies, kragonderbrekings, abnormale temperatuur, ʼn tekort aan linne, ʼn tekort aan verbruiksgoedere, ʼn tekort aan beddens in die hoësorgeenheid, ʼn bevolkingsontploffing met talle verwysings van ander provinsies en talle uitlanders, ʼn toename in trauma en geweld en die trauma-eenheid wat baie besig is.
“Hierdie groot akademiese hospitaal is ongelukkig verwaarloos, al dien dit ʼn baie groot landelike bevolking,” het Bloom gesê. “Dit is ondenkbaar dat mense jare lank in pyn moet wag voor hulle ʼn operasie kan ondergaan. Ortopedie is veral ʼn probleem, veral vir bejaarde vroue wat meer as mans sukkel met osteoporose. ʼn Toegewyde ortopediese teater word dringend benodig tesame met ander maatreëls om dié agterstand te takel.”
Is ons verbaas?
Dis n skande waarvoor betaal ons belasting dan wil hul nog ons mediesefondse ons ook ontneem ….die NUWE AFRIKA DEMOKRASIE ….LIEFLIK NE dis waar die ja stem julle gebring het …is daar een staats departement wat reg funksioneer in die land….almal vlug hoe kan n presedent met eer se dit is sy land …hoe kan ons wat oorgebly het se dit is ons land skande skande
Verskonings, verskonings.
Sê liewer julle kan nie dit reg doen weens korrupsie, diefstal van einste goedere waaraan julle n tekort het, lui personeel en baie ander redes wat aan hulle bekend,is.
En dan wil julle NGV implemeteer?
Not in a 100 years met apologie aan Mnr Motlante.
Met NGV gaan dit 10 000 wees …kyk mooi !
Maar hulle wil NHI? Dit word ingebring om volks moord te pleeg. Hap soos vrate en kan nie gesluk kry nie.
So, wat doen ons daaraan om dit op te los?
Dis die vraag wat aan kiesers gestel moet word, vóór hulle stem.
Dan…watter politieke party doen iets hieraan? Dis die volgende vraag.
Die laaste vraag: Het jy reg gestem?
Beter nog Stephan, het jy al een dokter van watter aard ookal of een mediesefonds oor woord TEEN NGV hoor rep?
…. bevolkingsontploffing… bevolkingsontploffing… en CR nooi Afrika hierheen. Pasiènte gaan mekaar vermoor vir ‘n plek in die tou… of ‘n paar pille.
Al die derduisende wagtendes gaan doodeenvoudig na die voorheen private gesondheidsdienste geskuif word. Ons, wat betaal, sal dan die wagtendes word!
Toe die hospitale nog onder die ou Suid Afrika was,was die hospitale altyd skoon en netjies nie n tekort aan enige iets nie.Kyk hoe lyk dinge nou by die hospitale.As kind het ek altyd blomme gaan af lewer by die staats hospitaal was altyd stil,skoon en netjies.Nou is dit n geremoer,die hospitaal is in n haglike toestand.
Bevolkingsontploffing. Dis wat die ANC regering wil he vi stemme. Hul voel. minder as nix vi di onnosel volgelinge
En tog ten spyte van wat hul beleef daagliks deur hul mislukte ANC en sy leuns stem hul elke keer maar net weer vir hulle met hul leë beloftes. Maar die Keiser loop en mors terwyl die mense van sy land vrek van die dors.
As hierdie NHI ‘n werklikheid word is ons almal gedoem. Die stelsel sal nie verbeter nie. Inteendeel, alles wat nou ordentlik funksioneer sal in dieselfde put van die huidige staatstelsels ingetrek word.
Dit is die tragiese werklikheid van alle staatshospitale regdeur die land.
Toegewyde personeel werk baie hard onder moeilike omstandighede, maar word gekniehalter deur oorlading van die stelsel, wat lei tot faktore soos gebrek aan toegeruste teaters, gekwalifiseerde teatersusters en narkotiseurs.
Ek het ‘n jaar gewag vir ‘n “noodoperasie.” Talle pasiënte sterf intussen terwyl sommige chirurge tot 20 uur per dag werk (vandaar die tekort aan teatertyd.) Een chirurg het by geleentheid vir my gesê, “Ek het eindelik ‘n teater om jou te opereer, maar is al 48 uur aaneen besig met operasies. Wil jy hê ek moet nou opereer? ”
Ek weet ook van gevalle waar die chirurg en pasiënt in die teater vergeefs wag vir ‘n suster of narkotiseur en eindelik maar die operasie moet kanselleer.
Kan net dink hoeveel meer dit gaan wees met die wonderlike ANC NGV. Dankie tog ek het die vermoe gehad in 2016 met ‘n mediese fonds, om my ACL te vervang nadat ek hom heeltemaal los geskeer het, en hom basies vernietig het. Die beste ortopediese chirurg gehad in Pretoria – Dr Willem Tollig – en van die beste behandeling gekry by die Life Faerie Glen Hospitaal. Dit moet maar een of ander tyd maar net ‘n lekker onthou word, want weet nie wat se behandeling daar gaan wees as die NGV eers op volle stoom is nie?
Daar is nie fondse nie , nie dokters nie en geen nodige toerusting nie maar sy edele die Minister hoop om na 5 jaar die nasionale gesondheids versekering in plek te he . So as van die 4000,nie nou of binne vyf jaar dood gaan nie was jou kwaal nie so ernstig nie. Dan sal daar darem plek wees vir nog 4000 en mediese fondse se bydrae gaan baie help om die kaders gemoedsrus en vol bank rekenings te gee
Die NGV gaan dit gou regstel
by dié hospitaal word pasiënte erger as diere behandel!
Maar kom ons spandeer eerder nog miljoene op die verandering van straat en stadsname, kom ons hou nog parties om die struggle te vier, kom ons rig nog peperduur standbeelde op vir korrupte politici, en kom ons beloon nuttelose instansies soos die SAUK en SAA met nog fondse om te plunder – eerder as om meer hospitale te bou en dokters op te lei.