Gripen-vegvliegtuig Foto: gripen.com
Die omstrede wapentransaksie het glo bykans R47 miljard gekos, het The Star Donderdag berig.
Die Nasionale Tesourie het die amptelike bedrag van R46.666 miljard vir die wapenaankope bekend gemaak.
“Die transaksie is gefinansier deur lenings van buitelandse banke met leningskoste tot R51.3 miljard,” het Andrew Donaldson, adjunkdirekteur-generaal van die Tesourie, aan die Seriti-kommissie van Ondersoek in Pretoria gesê.
Pres. Jacob Zuma het die kommissie in September 2011 aangestel, nadat die Wes-Kaapse hooggeregshof in 2009 versoek is om ʼn onafhanklike ondersoek oor die wapentransaksie van stapel te stuur.
Die kommissie moes sy ondersoek al in November 2013 afgehandel het, maar het Zuma vir ʼn 12 maande uitstel gevra. -SAPA
Dis darem VREESLIK baie geld. Mens kan baie mense kos gee en baie HOP-Huise bou.
Hoekom wil SA wapens aankoop? Of het ek iets in die nuus gemis?