Meer bekend oor Kirkwood-plaasmoord

Duaene Truter.

Agri Oos-Kaap het gesê hy is diep bedroef oor die moord op Duaene Truter (51) Sondagaand in die Kirkwood-distrik.

Alfonso van Niekerk, voorsitter van Agri Oos-Kaap se landelike veiligheidskomitee, het gesê Truter was een van die plaasbestuurders op Dunbrody Estates, Unifrutti se sitrusplaas in die Sondagsriviervallei.

Truter, sy vrou en seun was omstreeks 19:00 tuis toe ʼn onbekende man die huis binnegekom het, volgens kapt. Gerda Swart, woordvoerder van die polisie.

Pa en seun kon glo daarin slaag om die verdagte te oorrompel waarna nog twee verdagtes skielik die huis binnegekom het. Volgens Swart het een van dié verdagtes Truter verskeie kere met ʼn mes gesteek voor die verdagtes van die toneel gevlug het.

Truter is na ʼn plaaslike hospitaal gehaas waar hy later aan sy beserings beswyk het. Die Truters se dogter was nie tuis ten tyde van die voorval nie.

Volgens Swart is ʼn taakspan onmiddellik op die been gebring om ʼn soektog na die verdagtes van stapel te stuur. “Daar word beweer die verdagtes het balaklawas gedra ten tyde van die aanval. Dit is in dié stadium nie duidelik of enigiets tydens die voorval gesteel is nie.”

Die polisie ondersoek ʼn saak van moord en roof. Enigiemand met inligting oor die voorval word versoek om AO Morné van Tonder by 082 441 7738 of die Kirkwood-polisie by 042 230 7600 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Eben P

Kan ons by ons geagte prez cr verneem wat noem hy die sinnelose daad?

Wilma Josey

Ek wens iemand wil ‘n Petisie opstel waarin die Terugkeer Van Die Doodstraf gevra word. Daar gaan VERSEKER DUISENDE DER DUIDESENDE handtekening wees. Rus In Vrede, Mnr Truter.. Mag God met almal naaste aan jou wees.

Spike

Hierdie is haatmoorde aangevuur deur anc, eff en blf.

Jakes

Doodstraf terug bring? Die doodstrad in die land sal net nog n manier wees om van ons wittes ontslae te raak, maar sal dan as regverdig veroordeel word want sake word soos hulle agterente ondersoek en skuld sal maklik teen ons bewys kan word deur n blinde regstelsel… Be carefull what you wish for!!

jannie

Daar was laasweek weer gesing……one bullet, one boer! Maar ons mag nie eers ons volkslied by n fees sing nie!??