Meer bekend oor man wat van N1-brug hang

Foto: Verskaf

Meer inligting is bekend gemaak oor die skoktoneel wat talle motoriste Dinsdagoggend in Centurion begroet het.

Kapt. Dave Miller, polisiewoordvoerder, het aan Maroela Media gesê die polisie is omstreeks 06:30 deur ʼn verbyganger, vermoedelik ʼn voetganger of ʼn motoris, in kennis gestel dat ʼn man se liggaam aan ʼn tou van die N1-brug by die Bothalaan-afrit hang.

“Die polisie se forensiese en speureenheid is dadelik na die toneel om so gou moontlik hul ondersoek te doen voor die liggaam verwyder kon word,” het Miller gesê.

Minstens drie bane was vir sowat ʼn uur en ʼn half gesluit terwyl die polisie met hul ondersoek besig was. Die liggaam is omstreeks 08:00 verwyder.

Miller het gesê die middeljarige man het geen vorm van identiteit aan hom gehad nie.

Die polisie doen ʼn geregtelike doodsondersoek. Miller het gesê in dié stadium word geen vuilspel vermoed nie.

Daar is geen ooggetuie wat die man voor die voorval op die brug gesien het nie. Dit is ook nie tans bekend hoe lank die man se liggaam daar gehang het voor dit raakgesien is nie.

Miller het gesê die moontlikheid word ondersoek dat die man moontlik haweloos of ʼn karwag was.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
E

Dalk ń buitelandse trok drywer?
Dis baie hartseer.

christa

so jammer dat mense so alleen op aarde kan voel om so ‘n stap te neem. Wens ek kon tot hulp vir hom gewees het

Koos

Aaklige affêre. Hoop nie die polisie hou ons aan ‘n lyntjie nie.

E

Net spekulasie, daar was mos nou baie trokke gebrand die laaste ruk en gerugte het dit so dat die suid afrikaanse drywers dit teen die buurlande het dat hul trokdrywers van elders aanstel.

Lê maar net my eier.

Nog steeds baie hartseer wat ookal die geval mag wees.

Pitbul

DS so vra ek ook….