‘Meer geld nodig vir volhoubare verdedigingsvermoë’

(Argieffoto van ‘n Puma-helikopter van die SA Lugmag)

Die gesamentlike staande komitee oor verdediging is bekommerd oor die aanhoudende besnoeiing van die weermag se begroting – ʼn vermindering wat die vermoë van die weermag om sy grondwetlike pligte na te kom in die gedrang kan bring.

Die lugmag, vloot en weermag het die komitee vandeesweek op die hoogte gebring van vlieg- en see-ure, asook sy vermoë om bates doeltreffend te gebruik.

Die komitee het die weermaglede geloof vir hulle volgehoue werk om te verseker dat die soewereiniteit van die land beskerm word, ten spyte van die weermag se begrotingsuitdagings.

Die weermag ding mee met maatskaplike projekte vir geld, maar die komitee meen ʼn beduidende belegging in die weermag is tot voordeel van die versekering van die land se soewereiniteit. Hy het ook gesê ʼn belegging in die plaaslike verdedigingsvervaardigingsbedryf gaan die ekonomie stimuleer en werk skep.

Die komitee is ook bekommerd oor die kapasiteit wat reeds verlore gegaan het en die land se vermoë om dit te herwin, maar sê dít gaan selfs méér kos as waarvoor tans gevra word.

“Ons staan voor ʼn tikkende tydbom. Dit is kommerwekkend dat die weermag se planne berus op ʼn model van wat tans beskikbaar is, en nie op die vereistes vir ʼn gesamentlike ontplooiingsmag nie.

“Die gevolg van ʼn afname in die begroting kom neer op ʼn afname in vermoëns en as dit voortduur, gaan dit die vermoë om die land te beveilig verder pootjie,” het Cyril Xaba, medevoorsitter van die komitee, gesê.

“Ons beskou die Suid-Afrikaanse wapenvervaardigingsbedryf as ʼn sleutelgroeipunt wat moontlik enorme hulpbronne na die land kan lok en ekonomiese bedrywighede kan stimuleer. Genoegsame befondsing van die weermag gaan bestendigheid en voorspelbaarheid in die bedryf verseker deur die Suid-Afrikaanse bedryf in staat te stel om wêreldwyd mee te ding,” het Mamagase Nchabeleng, die ander medevoorsitter gesê.

Wat betref die lugmag en die vloot, het die komitee hulle rol benadruk om landsveiligheid te verseker. Die lugmag en vloot verseker ook veilige handel deur teen-seerowery-optrede langs die Mosambiek-kanaal.

Die komitee het voorgestel dat geld dus beskikbaar gestel word vir onder meer die opgradering van vermoëns en magsvoorbereiding.

Die komitee het gesê dit is belangrik dat daar stappe gedoen word teen enigiets wat die verdedigingsvermoëns van die weermag in die gedrang bring.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Andries

Ons het nie n oorlog nie, maar hier gaan meer mense dood as in Sirië per jaar(waar daar wel n oorlog is)

Spandeer hierdie geld eerder aan die SAPS

Peet

Kan dit verstaan, buitendien, as ons aspirasies het om Venezuela militêr te gaan ondersteun het ons hulp nodig.
Goeie genade vanaf een van die werêld se mees effektiewe weermag na wat ons nou het – skandalig!

Hannetjie

SA het mos nie vyande nie? Waarom geld in die water gooi…knap liewer die huidige strukture waar ons weermag-lugmag-en vlootmanne in woon op.

Gert van Wierdapark

Daar is n baie eenvoudig oplossing! Haal die soustrein-drywers eerste uit sirkulasie,. Die Soustrein-parasiet passasiers behoort daarna af te klim =en SIEDAAR, skielik is daar miljarde Rande om die Weermag (onder streng toesig van Onder meer die privaatsektor), te begin opbou!!! Dit is nie “‘n pie in the sky” nie, maar haalbaar!

Peet

Hannetjie, jy is 100% in die kol. Maar die geld is reeds in die water. Geld om ‘n stabiele ondersteuningsmag te skep, ordentlike ondersteunings fasiliteite vir weermag personeel is wat benodig word. Vliegtuie en helikopters is nié taxis vir politici nie.
Ons hét die kundigheid om ook ‘n vervaardigings bedryf te bou – wat nie ‘n trog word vir kaders nie.