‘Mees gesoekte verdagte’ doodgeskiet

Argieffoto ter illustrasie

Die Gautengse polisie het een van die mees gesoekte verdagtes in dié provinsie in Diepsloot doodgeskiet. Die betrokke verdagte is gesoek in verband met verskeie misdade waaronder gewapende roof, sakeroof, transitoroof en motorkaping.

Kapt. Kay Makhubele, woordvoerder van die polisie, het in ’n verklaring gesê polisiebeamptes het Vrydagaand aan die deur van die betrokke verdagte se vriendin in Riverside View geklop.

Volgens Makhubele het die verdagte besef dat die polisie op hom toeslaan, waarna hy ’n skoot afgevuur het. Die polisiebeamptes het egter teruggeskiet en die betrokke verdagte is in die proses noodlotting gewond.

Die vriendin se huis is deursoek waar polisiebeamptes op ’n sak met nege pistole, twee gewere en magasyne met ammunisie afgekom het. ’n Wit Mercedes-Benz AMG is ook in die erf aangetref. Dié motor is vermoedelik gekaap, het Makhubele gesê.