Meeste SA kinders word hiér en deur dié persoon vermoor

Argieffoto

Jong kinders sterf meestal aan die hand van hul eie ma’s.

Só sê Chris Jones, verbonde aan die Eenheid vir Morele Leierskap by die Fakulteit Teologie aan die Universiteit Stellenbosch (US).

Jones sê in die vaktydskrif HTS Theological Studies die meerderheid van moorde in die eerste kategorie op kinders van jonger as een jaar, kinders tussen een en nege jaar en dan kinders tussen tien en 17 jaar oud, word deur ma’s gepleeg.

Dit word gedoen deur ma’s wat bloot hul babas weggooi of hul kinders noodlottig beseer. “Die belangrikste bydraende faktore tot moorde in hierdie ouderdomsgroep het te make met die ma se geestesgesondheid,” verduidelik Jones.

Dit sluit nageboortedepressie, swak of gebrekkige ouervaardighede veral by baie jong ma’s, asook ’n gebrek aan ondersteuning, hetsy finansieel of emosioneel, vir nuwe ma’s in.

Dié bevindinge is onlangs gemaak deur ʼn navorsingskomitee bestaande uit Jones en ander akademici van die US, en die Universiteite van Kaapstad en Wes-Kaapland.

Die komitee het onder meer die hoofoorsake van kindermoorde in die Wes-Kaap ondersoek en is juis op die been gebring nadat die Kaapstadse Traumasentrum vir Slagoffers van Geweld en Marteling die Wes-Kaapse regering genader het om die vlaag van kindermoorde in veral 2017 en 2018 in die provinsie te ondersoek.

Die komitee het bevind dat meer kinders in die Wes-Kaap vermoor word as in enige ander provinsie in Suid-Afrika. Polisiestatistiek toon dat in 2017 en 2018 alleen 279 kinders in dié provinsie vermoor is.

Volgens Jones dra verskeie sleutelfaktore egter by tot kindermoorde onder kinders tussen die ouderdomme van een en nege jaar. Die faktore sluit in wanfunksionele gesinne asook ’n kultuur van geweld wat deur geestesgesondheidversteurings, dwelm- en alkoholmisbruik, swak verhoudings en gebrekkige hanteringsvaardighede in gesinne.

“Die meeste van hierdie bydraende faktore is ook op kindermoorde op kinders tussen tien en 17 jaar van toepassing, maar die volgende is ook beduidend: die kind se eie risiko-optrede en geestesgesondheid, byvoorbeeld deelname aan bendes, misdaad, misbruik van verslawende middels en skoolverlating.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

19 Kommentare

jongste oudste gewildste
Andreas

Die laaste paar weke is daar oorlog teen mans, die vlaag moorde en sexuele misdade teen vrouens en kinders is oorgeneem deur die globale liberalis om hulle oorlog teen mans en die gesins struktuur uit te leef, maar wat nou? Is vrouens kinders se grootste vyand?

Ons ervaar ‘n morele vervalling van epidermisie proposies. God en sy morele maatstaf word orals verwyder en nou leef ons die nagevolge.

Andreas

Die laaste paar weke is daar oorlog teen mans, die vlaag moorde en sexuele misdade teen vrouens en kinders is oorgeneem deur die globale liberalis om hulle oorlog teen mans en die gesins struktuur uit te leef, maar wat nou? Is vrouens kinders se grootste vyand?

Ons ervaar ‘n morele vervalling van epidermiese proposies. God en sy morele maatstaf word orals verwyder en nou leef ons die nagevolge.

lanie

Nou hoekom het sy dan kinders.

Elsabe

Ek kry mans jammer vandag. Hulle rol is bepalend belangrik om die balans in die gesin te handhaaf maar word oral aangeval en geminag. Vroue verlustig hulle in geniepsige”manbashing” ipv om mans te respekteer vir hulle bydrae. Daar is baie oulike en ordentlike manne as jy hulle met respek hanteer. Klein seuntjies hoor hoe mammas teenoor mekaar kla en groei op met die idee dat niks wat hulle doen inelk geval reg is nie. Net vroue kan manne soos manne laat voel en optree, en dis nie met sarkasme en neerhalende opmerkings nie.

Melanie

julle ek wil nou nie hare kloof nie, maar die geweld teen vrouens en kinders kom gewoonlik van alle rasse, maar in die mederheid swak ouerskap vanaf die moeder se kant weens ouderdom is oor die algemeen nie by alle rasse nie.. moet ek meer se