Meghan bring hulde aan Uyinene

Megan bind haar lint om die reling by die poskantoor. (Foto: Instagram)

“Simi kunye kulesisimo” – “Ons staan saam in hierdie oomblik.”

Só het Meghan, die hertogin van Sussex, se boodskap in isiXhosa gelui wat sy vandeesweek saam met ’n geel lint by die poskantoor waar die student Uyinene Mrwetyana vermoor is, gebind het.

Dié lint is saam met verskeie ander uit eerbetoon vir Mrwetyana om ’n reling by die Clareinch-poskantoor gebind. Die hertogin het dié lint met haar en prins Harry, die hertog van Sussex, se naam met die datum daarby geteken.

Die oomblik is op kamera vasgevang en vanoggend op die koninklike egpaar se amptelike Instagramblad gedeel.

Luidens ’n inskrywing saam met die foto het Harry en Meghan reeds voor hul besoek aan Suid-Afrika die onthullings van Mrwetyana se moord gevolg en was gretig om meer te wete te kom met hul aankoms in Suid-Afrika.

Meghan het ook Mrwetyana se ma verlede week besoek om haar medelye te betoon, het die inskrywing verklap.

Uyinene Mrwetyana (Foto: Facebook)

“Dit was persoonlik belangrik vir die hertogin om besoek by die toneel van hierdie tragiese dood af te lê en haar met Uyinene te vereenselwig, asook alle vroue en meisies wat geraak word deur geslagsgebaseerde geweld – spesifiek in Suid-Afrika maar ook oor die hele wêreld.

“Uyinene se dood het mense oor die hele Suid-Afrika gemobiliseer in die stryd teen geslagsgebaseerde geweld en word beskou as ’n kritieke draaipunt in die toekoms van vroueregte in Suid-Afrika,” lui die inskrywing.

Die hertogin het die afgelope twee dae private besoeke afgelê en vergaderings gehou om haar begrip van die huidige situasie te verbreed en voort te gaan om vir die regte van vroue en meisies te pleit.

Maroela Media het vroeër berig Mrwetyana is in Augustus verkrag en met ’n skaal doodgeslaan in die poskantoor waarna haar liggaam in Lingelethu-Wes gestort is. Die man wat glo erken het dat hy die jong vrou vermoor het, is ’n 42-jarige poskantoorwerknemer.

View this post on Instagram

“Simi kunye kulesisimo” – ‘We stand together in this moment’ The Duchess of Sussex has tied a ribbon at the site where 19-year-old Cape Town student Uyinene Mrwetyana was murdered last month, to pay her respects and to show solidarity with those who have taken a stand against gender based violence and femicide. Over the last month in Capetown, protests erupted through the streets in outrage over GBV in South Africa. The Duke and Duchess had been following what had happened from afar and were both eager to learn more when they arrived in South Africa. The Duchess spoke to the mother of Uyinene this week to relay their condolences. Visiting the site of this tragic death and being able to recognise Uyinene, and all women and girls effected by GBV (specifically in South Africa, but also throughout the world) was personally important to The Duchess. Uyinene’s death has mobilised people across South Africa in the fight against gender based violence, and is seen as a critical point in the future of women’s rights in South Africa. The Duchess has taken private visits and meetings over the last two days to deepen her understanding of the current situation and continue to advocate for the rights of women and girls. For more information on the recent events in South Africa, please see link in bio. #AmINext

A post shared by The Duke and Duchess of Sussex (@sussexroyal) on

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Poplap

Kan iemand asseblief vir haar fotos wys van ons boere wat so wreed vermoor word….en sommer na n wit plakkerskamp toe neem. Ek wonder of weet hulle dat hier wit mense in die land bly wat n positiewe bydrae gelewer het tot di ekonomie ens en dat ons nou deur BEE verarm word

Ig

Sy moet sommer by die vermoorde Boere se grafte ook besoek aflê en dit ook op Instagram deel.

Kiewiet

Ek wonder… Die ouer dame wat verkrag is die ander vrouens wat vermoor is, die kinders, wat opgehang is. Het dit die nuus gehaal. Is dit opgevolg. Die krisis teen vroue en kinders is is ‘n probleem met die land. Geel linte by die parlement met elke vroue en kind in die land se naam op…. Net vir ingeval, mens weet nie wie is volgende nie.

Outoppie

Hoop hul hang ń lint vir plaasmoorde ook

Bossie

Meghan, you will earn so much more respect if you visit the murdered farmer’s families as well. As well as all the families of the thousands murdered South Africans the past few years. The concentration camps, where thousands of woman and children died, will also be a good last stop. But you need to stay a few years in order to do so….