ʼn 15-jarige meisie se halfnaakte liggaam is Saterdag in Daveyton naby Benoni aan die Oos-Rand gevind.
Maj. Mack Mngomezulu, woordvoerder van die polisie, het gesê die meisie se bebloede liggaam is omstreeks 06:00 Saterdagoggend in Pulanestraat gevind. Haar keel is met ʼn skerp voorwerp oopgesny.
Die motief vir die moord is nog nie bekend nie en die polisie is op soek na die meisie se kêrel. Die polisie ondersoek ʼn saak van moord.
