Meisie (8) op pad skool toe verkrag, vermoor

Argieffoto

Argieffoto

ʼn Agtjarige meisie van Limpopo is Vrydagoggend op pad skool toe ontvoer, verkrag en vermoor.

Kol. Ronel Otto, provinsiale polisiewoordvoerder, het gesê die voorval het in Ritavi, suidoos van Tzaneen, plaasgevind.

“Die meisie het saam met maatjies skool toe gestap toe die verdagte skielik verskyn en haar oorweldig het. Hy het haar gegryp en in die bosse ingesleep waar sy verkrag en verwurg is,” het Otto gesê.

Otto het gesê die meisie se maatjies het weggehardloop en hulp by lede van die gemeenskap gaan soek. “Dié mense kon daarin slaag om die verdagte vas te trek en het hom aan die polisie te oorhandig.”

Die man sal na verwagting Maandag in die NkowaNkowa-landdroshof verskyn.

Lt.genl. Fannie Masemola, die provinsiale polisiekommissaris, het sy skok oor die “sinnelose moord van ʼn klein meisie” uitgespreek. Hy het ook die lede van die gemeenskap bedank wat die man opgespoor en aan die polisie oorhandig het – sonder om die reg in eie hande te neem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
Moeks

Rus in Vrede.

Inge

Dis verskriklik! Ek is so bly die gemeenskap het hom vasgetrek! Die wetter!

Manie

Nog ‘n verkragter en moordenaar wat onderhou gaan word deur die staat. Bring die Doodstraf terug!!!!

Berhalet Beukes

Sies maar ons land is vol van barbaarse boosaards! Ek is al so moeg om dag in en dag uit te lees hoe kinders verkrag word! Nee werklik! Ek hoop die gemeenskap kry hom voor die polisie!

Tanya

Kyk, dis onmenslik wat met die arme kind gebeur het! My seun is al 11, daar is GEEN manier wat ek hom sal toelaat om alleen / saam met maats sal laat skool toe loop nie. Ouers moet besef dat dit in vandag se lewe te gevaarlik is.

Rus in vrede meisiekind, en sterkte aan die familie. Mag God julle vertroos deur hierdie moeilike tyd.