Meisie (9) dood ná hond haar byt

Chanté Horsban. Foto: Facebook

ʼn Negejarige meisie van Calitzdorp is dood nadat sy Saterdag deur ʼn hond, wat glo van sy ketting losgeruk het, aangeval is.

Kapt. Malcolm Pojie, woordvoerder van die polisie, het gesê Chanté Horsban se ma het haar Saterdag gestuur om ʼn pakkie êrens te gaan afgee. Die pitbull het van sy ketting losgeruk en uit ʼn erf in Gamkaweg gekom en Chanté aangeval.

“Die dogtertjie het verskeie bytwonde aan haar kop opgedoen en is later na die Oudtshoorn-hospitaal geneem. Sy het daar aan haar wonde beswyk,” het Pojie gesê.

“Sy het een laaste ruk gegee en toe sê ek vir myself, nou is my kind dood,” het Sophia, Chanté se ma, aan die Oudtshoorn Courant gesê. Die publikasie berig die hond is intussen van kant gemaak.

Pojie het gesê ʼn geregtelike doodsondersoek word gedoen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

53 Kommentare

jongste oudste gewildste
lorayne

Arme kind. . . Mag jy in vrede rus Chantè. My hart gaan uit na die mamma, gesin en almal wat vir haar lief was.

Johann

Kla die hond se eienaar aan, hy weet sekerlik daai tipe honde is onwettig

Elsabe

Ek voel baie jammer vir die ouers. Ek bly reg oorkant ‘n skool my Boerboelle is in my erf en is toe, maar dan loop die kinders van die skool verby my erf en pes my honed ek het al gekla by die skool en net niks word aan die kinders gedoen wat my honed terg nie.

Pj

Johann waar kom jy daaraan dat n pitbull onwettig is, ek slegte nuus vir jou….Hierdie is die einaar se skuld, hierdie tipe honde moet van kleintyd af al gaan vir training en dit hanf van die baas af hoe daai pitbull word, agresief of nie….N hond hoort nie aan n ketting nie, dan hoort die einaar daar omdat hy te sleg was om die hond beter te leer

MissDemeanor

Dit is verskriklik. Dit is verskriklik dat die dogtertjie so geweldadig moes sterf, en dis erg dat ‘n hond aan ‘n ketting vasgemaak word en mense as bedreigings sien en dan n kind doodbyt.