Meisie met middel vir diere ingespuit ná ‘verkragting’

Argieffoto

Argieffoto

ʼn 22-jarige man is in hegtenis geneem nadat hy glo ʼn 12-jarige meisie verkrag en daarna met ʼn middel vir beeste ingespuit het, glo sodat sy nie swanger moet raak nie.

Maj. Pelonomi Makau, polisiewoordvoerder van Noordwes, het gesê die man werk op ʼn plaas in die Lichtenburg-omgewing.

“Die middel waarmee hy die slagoffer ingespuit het, is medikasie wat vir beeste bedoel is om te verhoed dat hulle dragtig raak,” het Makau gesê.

Die meisie het die voorval aangemeld en die verdagte is opgespoor en in hegtenis geneem. Sy is na ʼn hospitaal geneem vir behandeling.

Die verdagte sal na verwagting Maandag in die Lichtenburg-landdroshof verskyn op aanklag van verkragting van ʼn minderjarige.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

Babs ·

Gee vir hom ‘n dodelike inspuiting. Omdat die tronke so vol is word verkragters mos met ‘n “sterkte vir die toekoms” drukkie op die skouer vermaan om dit nie weer te doen.

Gerhard Bezuidenhout ·

Bring hom vir my . Ek sal hom n 5 cc slenkdalkoors inspuiting gee . sommer onder die vel en dan kyk ons wat gebeur.

pop ·

Ag nee man Gerhard. Nous ek nuuskierig!!! vertel wat sal gebeur

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.