Meisie sterf ná honde haar en boetie aanval

Foto: Rescue Care

Foto: Rescue Care

ʼn Driejarige dogtertjie is dood nadat sy en haar sesjarige boetie deur die gesin se honde aangeval is.

Garrith Jamieson, woordvoerder van Rescue Care, het gesê paramedici is omstreeks 17:00 Saterdag na ʼn huis in Wiggins, Durban, ontbied.

“Met ons aankoms op die toneel was daar ʼn driejarige meisie wat kritieke beserings opgedoen het. Ná pogings van 40 minute om haar by te bring is sy op die toneel dood verklaar.”

Volgens Jamieson is die dogtertjie se boetie ook deur die honde aangeval en het ook ernstige beserings opgedoen. Hy is na ʼn nabygeleë hospitaal gejaag vir verdere behandeling. “Die SAPD en DBV was op die toneel en sal die saak verder ondersoek.”

Chris Botha, woordvoerder van Netcare 911, het gesê die kinders is deur die gesin se twee pitbull-honde aangeval. Dit is nie duidelik of die honde ná die voorval verwyder of van kant gemaak is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

95 Kommentare

jongste oudste gewildste
Lorna

O nee dit is hardverskeurend my hart gaan uit na familie mag boeta gou herstel so is my buurman van 22 jaar ook gister doodgebyt deur sy eie Rottweiler dit is so vreeslik jip nou gaan ons seker weer almal hoor die kids het honde geterg ASB mense hê simpatie daar is iemand dood RIP klein engeltjie en Flip gaan jou so mos:-(

Justice

Absoluut tragies wat met die kinders gebeur het – ek vertrou dat logika bo Pitbull sentiment gaan heers en dat die twee honde alreeds van kant gemaak is.

Annie

Dit is hartverskeurend .. sterkte aan boeta en die gesin

Stingel

As mense net hul verstand sal gebruik met die keuse van n familie hond sal die voorvalle nie gebeur nie. ALLE Pitbull honde moet van kant gemaak raak,hulle is geteel om dood te maak. Rottweilers is sterk op die Pitbull se hakke.

ansie

Ekt ook bure met groot honde met kleintjies (1al doodfebyt)wat heeldag baklei….ek stel voor dat mense eers OPLEIDING kry oor enige diereras VOOR hul diere aanskaf….so jammer nog n verlies deur oningeligte mense
…riv baba….