ʼn Negejarige meisie het Donderdagmiddag in ʼn swembad in Turffontein, Johannesburg, verdrink.
“Die meisie het omstreeks 15:00 verdrink,” het Robert Mulaudzi, woordvoerder van die stad se nooddienste, gesê. “Haar ouers het met haar na die naaste brandweerstasie gejaag, maar sy is met haar aankoms dood verklaar.”
Mulaudzi het ouers versoek om seker te maak dat hulle kinders slegs onder toesig swem. “Ons wil ook die ouers aanraai om seker te maak dat die swembad gesluit bly en ʼn veiligheidsnet gespan is.”