Meisies se naakte lyke aan boom gevind

Argieffoto

Argieffoto

Die polisie in Limpopo het die naweek op die naakte lyke van twee meisies afgekom wat sedert Woensdag as vermis aangemeld is.

Kol. Ronel Otto, woordvoerder van die polisie, het gesê Lekwelo Masola en Nthabiseng Motlaphema, albei vyf jaar oud, is Woensdag laatmiddag die laaste keer lewend gesien toe hulle saam buite gespeel het in die Ribone-nedersetting in Gilead.

Volgens Otto het die polisie en gemeenskap dadelik na die meisies begin soek toe hulle as vermis aangemeld is. “Die meisies se naakte lyke is Saterdag gevind waar dit aan ʼn boom sowat 3 km van die dorpie gehang het.”

ʼn 42-jarige plaaswerker is intussen in hegtenis geneem. Otto het gesê die moontlikheid word ondersoek dat die meisies verkrag is voordat hulle vermoor is. Die verdagte sal binnekort in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
bianca

Hoe kan hulle so iets doen aan onskuldage kinders

Tammy

Dis so hartseer. Hulle het gesterf voor hulle nog kon leef!! Ons is tans op toer deur die land en wat baie opvallend is, is die hoeveelheid kinders wat in informele woongebiede in die strate en teen die nasionale paaie rondhardloop. Ek het al kindertjies gesien nie n dag ouer as 2 jaar nie. Hulle moet n bietjie kyk na die mammas wat na my mening gestraf moet word vir die onnodige sterftes en ook verkragtings van kindertjies omdat die ma nie haar verantwoordelikheid teenoor die kind nakom nie.

Stem in n mate saam

Ek stem in n mate met jul saam, die kindertjies moet toesig he, maar meeste kindertjies word weggelok uit toesig deur bekendes, want hul weet hul kom niks oor nie, die regering ,regstelsel& Polisie moet landsburgers beskerm en strawwe ople wat jou laat besef jy moet nie sulke vieslike wrede dade doen nie, kyk regtig na Botswana!!!

Skokkend

Skokkend ek lees weer berig en besef skokkend wat se groot misdryf dit is dat al die harde feite nie dadelik ingegaan het nie, Gillian Schutte uitdaging vir jou, hierdie 2 dogtertjies is n skrale 5 ,sou graag jou opinie wou hoor, dink jy hul het dit self gedoen, dink jy hul was uitlokkend! HULLE WAS NET 5 JAAR OUD, MY HART PYN VIR DIE PYN,VREES EN WREEDHEID WAT HIERDIE 2DOGTERTJIES MOES DEURMAAK TERWYL JY AKTIVIS TEEN SULKE SLEGTE MANS,47 JAAR OUD,antwoord ons,ons verstaan nie!

Franci Muller

Dit breek my hart elke keer as ek lees van kindertjies wat verkrag en vermoor word! Hier haal ek weereens my hoed af vir Nana Rechter en haar span wat 24/7 hulle tyd opoffer om berigte uit te stuur ek konstant met SAPD en vrywilligers te kommunikeer.