Menseregtekommissie bekommerd oor beweerde rassisme in skole

Leerders van Sans Souci Girls’ High School betoog Vrydag (2 September 2016) by die skool. Foto: Twitter via @FeesMustFallWC

Leerders van Sans Souci Girls’ High School betoog Vrydag (2 September 2016) by die skool. Foto: Twitter via @FeesMustFallWC

Die Suid-Afrikaanse Menseregtekommissie (MRK) het Woensdag gesê hy het met kommer kennis geneem van die beweerde marginalisering en diskriminerende behandeling van swart meisies by skole regoor die land.

Die kommissie het in ʼn verklaring spesifiek verwys na onlangse bewerings van rassisme by Pretoria Girls High School, die Sans Souci High School in Kaapstad en die Saint Michael’s School for Girls in Bloemfontein, maar het gesê soortgelyke bewerings kom by ander skole ook voor.

Die MRK het gesê skoliere wat verskillend behandel word op grond van taal en haarstyle, sowel as die gebruik van afbrekende en rassistiese taal teenoor swart leerders, is ongrondwetlik.

“Skole is die primêre instansies waar leerders hul reg tot onderwys verwerklik. Hierdie instansies moet ʼn plek van onderrig, sosiale ontwikkeling en sosiale interaksie wees vir leerders van verskillende etniese groepe, gelowe en agtergronde. Skole is terselfdertyd ook ʼn plek waar die uitoefening van mag sekere groepe weerloos kan laat,” het die verklaring gelui.

“In hierdie opsig moet die beginsels wat basiese menseregte, veral die reg op waardigheid en die beste belange van die kind van kardinale belang wees vir alle skole, onderwysers, skoolhoofde, administrateurs en skoolbeheerliggame.”

Die MRK het gesê skole moet deur middel van hul gedragskode voorsiening maak vir verskillende geloofsoortuigings en kulturele agtergronde. “Die kommissie glo skole het ʼn duidelike verpligting om redelike maatreëls in te stel om pynlike sielkundige en traumatiese ervarings vir minderjarige leerders te vermy.”

Die MRK het Panyaza Lesufi, die LUR vir onderwys in Gauteng, se vinnige ingryping by Pretoria Girls High School geloof, maar gesê aangesien die departement se ondersoek na die bewerings reeds so ver gevorder het, sal die kommissie nie ook sy eie ondersoek doen nie. “Die kommissie beloof egter ons volle ondersteuning en toewyding aan die departement se ondersoek in ooreenstemming met ons mandaat.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

31 Kommentare

jongste oudste gewildste
Erf Wetter

Elke dag verminder my respek vir die MRK. Heel duidelik het hulle die uitgangspunt dat slegs witmense rassisties kan wees, en slegs swartmense slagoffers daarvan kan wees. Lesufi is welbekend vir sy histeriese reaksies op die kleinste bewering van rassisme en maak verdoemende uitsprake voordat hy na al die feite gekyk het, pleks dat hy hom toespits op die bevordering van gehalte-onderwys. Nou loof die MRK hom sommer dadelik vir sy aksies.
Hoop iemand by Maroela kan bietjie uitwei oor hierdie onewewigtigheid van die MRK met gepaste voorbeelde.

Milan

Kom ons skiet die wittes met bazookas en ak’s, maar as julle iets oor ons hare sê gaan ons MRK toe.

Kobus

En as swart mans haardosse en daai dik vlegsels gedra het, beehives, sou hulle dan ook gekrimilariseer gewees het? En as wit mans en meisies ook hul hare so gedra het, het jul hulle dan van rassisme aangekla?

Pik

Hardloop rond soos hoenders sonder koppe en kos die land net geld

Phillie

Ons land is diep in die moeilikheid as graad8 meisietjies voorskriftelik gaan wees vir wat hulle mag en nie wil doen op skool
Mense regte kommissie se naam moet verander slegs swart regte kommissie