Hoofsupt. Wayne Minnaar, woordvoerder van die metropolisie, het gesê die 45-jarige beampte is in hegtenis geneem nadat hy glo ʼn 25-jarige man doodgeskiet het en nog ʼn man geskiet en gewond het in Dobsonville, Soweto.
Die beampte, wat van diens af was en met sy eie motor gery het, beweer die mans het hom probeer kaap. Ao. Kay Makhubela, woordvoerder van die polisie, het vroeër gesê die verdagte het die twee slagoffers genader waar hulle by ‘n vrou gestaan en gesels het.
Volgens Makhubela het daar ʼn stryery uitgebreek nadat die verdagte glo die vrou probeer oortuig het om saam met hom te gaan. Die verdagte het glo ʼn vuurwapen uitgepluk en een van die mans in bolyf geskiet en die ander man in die hand geskiet.
Die verdagte is op die toneel in hegtenis geneem en sal binnekort in die Protea-landdroshof verskyn.