Metropolisiebeampte vas vir moord ná stryery

Argieffoto

ʼn Lid van die Johannesburgse metropolisie (JMPD) is agter tralies ná ʼn onderonsie tussen hom en ʼn ander motoris in Cosmo City Donderdagaand.

Die beampte, wat nie aan diens was nie, het in ʼn wit Golf ʼn U-draai gemaak en na bewering byna met ʼn blou Nissan Almera gebots, het supt. Wayne Minnaar, woordvoerder van die JMPD, gesê.

“Die bestuurder van die Almera het agter die Golf aangejaag. Daar was ‘n woordewisseling en die motoris het die beampte probeer ontwapen. Die beampte het verskeie skote met sy dienspistool op die Almera geskiet.

Die motoris is doodgeskiet.

“Die polisie en die onafhanklike polisie-ondersoekdirektoraat (Opod) ondersoek die voorval en die JMPD sal die reg sy loop laat neem,” het Minnaar gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

35 Kommentare

jongste oudste gewildste
schaun

Dit is een van die redes hoekom misdaad so floreer ,die wetstoepassers is so besig om self misdaad te pleeg dat hulle nie die wette kan toepas nie.

Wurmpie

En laat ek raai. Hy is nog by die werk tot reg sy besluite neem. Wat maak hy met dienspistool as hy nie aan diens is nie? Laat mens net wonder

Dirk

Beampte wou hom net self beskerm teen kaper.

Theresa

Ek stem saam Schaun. The untouchables…………………….

??

Hul kom weg met moord en lag ook nog daaroor.