‘Metrorail in Kaapstad nou in ʼn situasie van terreur’

Foto: ANA

Nog ʼn trein van Metrorail is vandeesweek in Kaapstad aan die brand gesteek en die dade word as terreur en sabotasie bestempel.

Die trein is Woensdag by die Retreat-treinstasie naby Muizenberg aan die brand gesteek.

Volgens berigte is een mens tydens die voorval beseer en drie treinwaens heeltemal verwoes. Die brand het ook ʼn uitwerking op verskeie treinroetes gehad en dienste vertraag.

Dié brandvoorval volg kort op die voorval Saterdag by die Kaapstad-stasie waar twee waens heeltemal verwoes is en 11 ander waens en infrastruktuur beskadig is. Dié skade word op sowat R30 miljoen geraam.

“Dit is die derde treinbrand by die Retreat-stasie vanjaar en die sesde in die Wes-Kaap in die afgelope ses weke,” het Nceba Hinana, die DA se provinsiale woordvoerder van vervoer en openbare werke, ná die voorval gesê.

Die DA het ʼn beroep op Bheki Cele, minister van polisie, gedoen om ʼn spesiale taakspan saam te stel om die oorsprong van die voorvalle te ondersoek. Hinana het gesê bykomde veiligheidskameras moet ook so gou moontlik geïnstalleer word aangesien dit sal help om te bepaal hoe die brande gestig word.

Die United National Transport Union (Untu) het die jongste voorval streng veroordeel en as sabotasie bestempel.

“Tans het Metrorail net 40 treine van die 88 wat nodig is om ʼn behoorlike diens te lewer. Dit beteken oorvol treine en vertragings raak net erger,” het Steve Harris, algemene sekretaris van Untu, gesê.

Dié vakbond, wat die meerderheid werkers van Prasa verteenwoordig, het óók ʼn beroep op Cele gedoen om ʼn taakspan saam te stel.

Dr. Corné Mulder, VF Plus-hoofsweep en provinsiale leier van die Wes-Kaap, het gesê die vernietiging van treinwaens en infrastruktuur van Metrorail in Kaapstad het nou buite beheer geraak en die situasie waaraan duisende pendelaars daagliks blootgestel word, is niks anders nie as dade van terreur wat besig is om die stad lam te lê.

“Daar heers tans ongebreidelde anargie op dié voorstedelike vervoerstelsel met treinwaens wat aan die brand gesteek word, misdaad wat op treine gedy, infrastruktuur wat in duie stort en feitlik geen sprake meer van betroubare tydroosters nie,” het Mulder gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

35 Kommentare

jongste oudste gewildste
Paul

En ons woon in ‘n normale land, die afbreek en brand het nou al sininiem met ons geraak. Dit is nou al by ons so alledaags, dit is normaal. Mens kyk na die le Tour de Fance, ander sporte oorsee, golf in Skotland, dan verlang mens na ‘n land van rus en vrede, waar mense nog die pragtige natuur kan geniet. Die uitgerekte landskap, pragtige geboue in die dorpe en stede, die mense wat opgewonde die gebeure ervaar, wonderlik. By ons is waterbronne nou ook al besoedel, dan vra ek, wat by ons is nie in ‘n krises nie?

Swannie

Nee, die ou Spoorweg Polisie moes mos tot niet gemaak word, want daar mog mos kamma nie twee soorte polisiedienste in die nuwe Suid Afrika bestaan nie.

En toe ??

Metro Polisiediens word in die lewe geroep, wat niks anders is as gewone polisie net met `n ander uniform nie.

Ai, wanneer sal ek tog die NUWE Suid Sfrika verstaan ????

Anoniem

Dis die tekens van die TYE ! Ons stryd is nie teen vlees en bloed nie maar die bose magte wat
los rondloop soos ‘n Brullende LEEU Word WAKKER MENSE VAN SUID-AFRIKA !!!!!!!!!!!

Hanna Hoekom

En wat gebeur met die belhammels as hulle wel gevang word? Seker maar dieselfde as met die oproermakers en brandstigters daar in Hermanus: net mooi NIKS! Stop die treindienste aan hierdie gemeenskappe totdat die kriminele uitgelewer word. Maak dan n goeie voorbeeld van hulle…

Hoc est bellum

Dit word alles gedoen sodat die DA swak voorkom in die Wes-Kaap. Iemand het mos gesê: “We will make this country ungovernable!”