‘Mikrogolf’ ry op die snelweg rond

(Foto verskaf deur JMPD)

David Tembe, hoof van die Johannesburgse metropolisie, het Vrydagoggend omstreeks 09:30 ʼn taxi in die noodbaan van die M1-suid by Glenhove-afrit voorgekeer.

Wayne Minnaar, woordvoerder van die JMPD, het gesê daar is bevind dat die taxi nie gelisensieer is nie en die lisensieskyf beskryf herstelwerk aan mikrogolwe en wasgoedmasjiene. “Dit was bisar. Die taxi is geskut vir verdere ondersoek” het hy gesê.

Agt ander taxi’s is ook op dieselfde plek met R500 elk beboet nadat hulle die noodbaan gebruik het. Dié voertuie is ook geskut omdat hulle onpadwaardig was, het Minnaar bygevoeg.

“In ʼn afsonderlike gesamentlike operasie deur die JMPD se honde-eenheid, Gauteng-verkeerspolisie en die Valke, is daar Donderdagaand ʼn klopjag uitgevoer op die Dube-hostel in Soweto. Vier mans is in hegtenis geneem, waarvan twee verdink word van die dubbele moord en skietery op JMPD en polisiebeamptes in Mei. Al vier verdagtes word by Meadowlands-polisiestasie aangehou,” het Minnaar gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Weti meer

Anargie…….punt

Ander Annie

Geen wonder daar is soveel taxi ongelukke. So word daar elke dag met onskuldige mense se lewens gespeel.

Koos de Meyer.

Wat ‘n sirkus. Nuwe Suid Afrika. Mooi man.

Cor

Aag kom aan surintendent dit is defenitief nie die eerste keer wat julle so iets sien nie. Daar is erger gevalle as dit en hoekom nou die taxis vang wat in die noodbaan ry. Het julle skielik vanoggend opgestaan en besluit vandag is die dag vir skrik maak. Ek het al gesien dat terwyl die metro voor of agter my ry dat die taxis daar ey en nog groet ook.

André

Dis goed, maar is ‘n druppel in die emmer. Dit gebeur gedurig oral in die land.