Miljarde se eise weens diensleweringsbetogings

Vyf persone is in Hekpoort in hegtenis geneem op aanklag van openbare geweld ná ʼn vragmotor en ʼn bakkie Dinsdagoggend op die R563 aan die brand gesteek is. (Foto verskaf)

Die risiko dat Suid-Afrika ʼn slaaf sal word van armoede is groot, as diensleweringsbetogings nie tot ʼn einde kom nie. Só sê Cedric Masondo, besturende direkteur van Sasria SOC Bpk., ʼn korttermynversekeraar.

Hy het daarop gewys dat eise wat deur die maatskappy verwerk is, in die 2018/19 finansiële jaar skerp toegeneem het – altesaam R1,7 miljard uit 5 000 eise, in vergelyking met 3 000 eise in die 2017/18 finansiële jaar ter waarde van ongeveer R800 miljoen.

Sasria het die afgelope vyf jaar meer as 16 000 eise ontvang ter waarde van meer as R4,6 miljard.

“Stel jouself voor wat met dié geld gedoen kon word. Skole en klinieke kon gebou word, paaie kon herstel word en soveel meer kon gedoen word om die daaglikse lewenstandaard van Suid-Afrikaners te verhoog. Maar nou is die geld gebruik om beskadigde eiendom te vervang,” het Masondo gesê.

Hy het gesê die land moet ʼn ander manier kry om diensleweringskwessies aan te roer. “Iets drasties moet gedoen word. Alhoewel betogings deel is van ons Grondwet en mense die reg het om te vergader en hul griewe te lug, moet die kultuur van gewelddadige betogings tot ʼn einde kom. Anders sal ons in ʼn kringloop van armoede vasgevang word, want ons spandeer hulpbronne om dieselfde dinge oor en oor te herstel. Dit is nie vordering nie, dit bevorder nie ekonomiese groei nie.”

Masondo se kommentaar kom ná ʼn vragmotor en ʼn bakkie Dinsdagoggend in Hekpoort in Magaliesburg aan die brand gesteek is deur ontstoke inwoners wat eis dat hulle op gepaste grond gehuisves moet word. ʼn Gemeenskapsleier in die gebied, Kagiso Seretse, het gesê inwoners is verlede jaar belowe dat die munisipaliteit na ʼn ander gebied sou skuif. Volgens Seretse is die brandstigting egter blatante misdadigheid.

Kay Makhubele, woordvoerder van die polisie, het bevestig vyf persone is in Hekpoort in hegtenis geneem op aanklag van openbare geweld in verband met die twee voertuie wat aan die brand gesteek is. “Die polisie is vroeg vanoggend in kennis gestel. Die vragmotor en bakkie is op die R563 aan die brand gesteek,” het hy gesê.

Inwoners van Lenasia het verlede week Vrydag paaie na Ennerdale, Zakariyya Park en Lenasia-Suid in Johannesburg versper terwyl hulle betoog het teen onwettige besettings in die gebied. Die polisie moes Saterdag van rubberkoeëls gebruik maak om grondbesetters in Lenasia te ontruim. ʼn Groep inwoners het Saterdag ʼn optog gehou teen die grondbesettings in die gebied. Wayne Minnaar, senior superintendent van die Johannesburgse metropolisie, het intussen gesê gemoedere het bedaar in die gebied.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Gert van Wierdapark

Gee hul nasionale kleure vir betogings, vernietiging van raads-eiendom en algemene bollie aanjaag in ons Kakistokrasie!!!

humor

En wie betaal???????????????

Skoolgeld

Dis die grootste snert man! Meeste versekering maatskapye hef SASRIA wat terrorisme wat dit inelkgeval dek is! Probleem is as jy as eienaar van jou voertuie eis kan jy maar weet dis soos enige staats instelling. Teen die tyd wat jou skade vergoed is op hulle waardes en terme kan jy al bankrot wees

George in Bloem.

Die ANC her die gepeupel baie mooi geleer.En nou kom dit terug en byt hulle hard en die belastingbetaler staan pa vir die rekening en dit gebeur alles terwyl die Polisie “die situasie monitor” en niemand vervolg word en/of verantwoordelik gehou word nie. En solank die skuldihges bly wegkom daarmee,sal hulle dit verseker weer en weer doen. En natuurlik help dit ook geensins dat ons ‘n onbevoegde nar met ‘n hoed op sy kop as die hoof van die Polisie het nie.

GM

Gebruik lewendige ammunisie – saak opgelos na ‘n paar sulke insidente. Dan sal hul leer dat elke aksie ‘n reaksie het, en dat mens verantwoordelikheid moet vat vir jou dade. Nou kom hul met als weg en die belastingbetaler moet net aanhou betaal.