Foto ter illustrasie. (Argieffoto)
ʼn Aantal vooraanstaande politieke figure, polisiehoofde en persone van belang geniet sedert 2019 persoonlike polisiebeskerming wat belastingbetalers reeds honderde miljoene rande uit die sak gejaag het.
Dít volgens Bheki Cele, minister van polisie, wat ʼn geskrewe vraag deur die VF Plus hieroor geantwoord het.
Volgens Cele ontvang 179 politieke figure tot op hede steeds persoonlike polisiebeskerming, waarvan die koste jaarliks amper R200 miljoen per jaar beloop. Persone wat beskerm word sluit in ministers, adjunk-ministers, provinsiale premiers, lede van uitvoerende rade, die speaker en adjunk-speaker van die parlement, voorsitter en ondervoorsitter van die Nasionale Raad van Provinsies (NRP), provinsiale speakers en adjunk-speakers, die hoof- en adjunk-hoofregter, regterspresidente en sogenaamde politieke persone van belang.
ʼn Bykomende vyf politieke figure het tussen Mei 2019 en einde 2020 beskerming ontvang, maar die beskerming is sedertdien opgehef.
Sewe polisiehoofde ontvang ook beskerming, insluitend die nasionale polisiekommissaris, genl. Khehla Sitole. Dié beamptes het elk tussen twee tot vier polisiebeamptes wat vir beskermingsdoeleindes aan hulle toegewys is.
Al die senior polisiebeamptes wat beskerm word, is in Gauteng en die Wes-Kaap.
Meer as R187 miljoen is in die 2019-’20-boekjaar hieraan bestee, en ongeveer R177 miljoen in die 2020-’21-boekjaar. Sedert April vanjaar het belastingbetalers nóg amper R35 miljoen opgedok om dié lede te beskerm.
“Dit is totaal onaanvaarbaar dat daar pogings aangewend word om die publiek se vermoë en reg om hulself te beskerm weg te neem, terwyl talle politici steeds omring word met opgeleide en gewapende polisielede vir beskerming,” het Fanie du Toit, ʼn VF Plus-LP in die Nasionale Raad van Provinsies (NRP) in Noordwes, gesê, met verwysing na die beplande wysigings aan die Vuurwapenwet.
“Die ironie is dat die publiek, wat toenemend aan misdaad uitgelewer is, boonop hiervoor moet opdok.”
Hul kan geld darem maklik mors en laat verdwyn.
En teen wie word hierdie politici beskerm? Teen hul EIE mense!!
Ja hoed en jy wil ons ontwapen, maar jy kan nie 1 dag soos ons op ons vlak kom lewe nie! Dink jy dis lekker met al die misdaad om ons en om die hele tyd rond te kyk en op jou hoede te wees?
Beteken hulle iets dat hulle teen wie beskerm moet word
As ek so droog maak soos die politikuste sal ek beskerming waardeer dankie omie met die hoed.Waarvoor is hulle bang.Ek mag my en my gesin nie beskerm nie.Daai klomp kan hulle nie self beskerm nie nou moet die ewe vrotsige polisie dit doen.
Jip en die VIP afdeling se begroting is meer as die Forensiese afdeling!
Mafia maniere almal van hulle
Waarvoor is hulle so bang? Vra maar net… Ons moet self sorg vir ons veiligheid
Job creation..
Hul geniet beskerming terwyl die man op straat homself nie eers kan verdedig nie.
Ons kan en mag onsself verdedig die geheim is om dit binne die wet te doen, maar jy weet mos hoe werk die regstelsel teen die tyd vir ons
“Gangsters” het altyd “bodyguards”.
Hulle ag hul tog so belangrik, klomp sirkusnarre.
Vir wat, waarvoor is julle so bang?? Ons mag nie onsself beskerm nie maar hulle kry beskerming op ons onkoste? Die hele lot behoort afgedank te word sodat hulle weer soos ons gewone mense kan leef. Dan praat ons weer.
Stem saam! Hulle sal nie 1 dag oorleef om op ons vlak te leef nie!
Dis waarheen al die geld gaan. Kriminele word beskerm teen kriminele.
African National Cartel. Genoeg gesê…
En die boere dan. Wie is belangriker as die wat kos voorsien beslis nie die wat die geld wanbestuur nie