Miljoene rand se dwelms by OR Tambo onderskep

Argieffoto ter illustrasie

Argieffoto ter illustrasie

Doeanebeamptes het Vrydagaand miljoene rand se kristalmetamfetamien by OR Tambo Internasionale Lughawe onderskep.

“Beamptes het 25 kg ter waarde van R7,5 miljoen gevind,” het Sandile Memela, woordvoerder van die Suid-Afrikaanse Inkomstediens (SAID), gesê. “Die dwelms is gevind tydens ʼn inspeksie van ʼn vlug van Cotonou (Benin, Wes-Afrika). Alle bagasie, wat nie vergesel is nie, is deursoek en 25 plastieksakkies met ʼn wit middel daarin, is in een van die bagasiestukke gevind.”

Die middel is later positief uitgeken as kristalmetamfetamien.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

4 Kommentare

johann cb ·

Die smokkel van dwelms is nou al ‘n algemene voorkoms. Dit is kommerwekkend dat vondse daagliks gemaak word. Ek glo dat die wetstoepassers kan voorbly om hierdie gruwel dood te druk. Sterkte.

George ·

Gewetenlose smokkelaars. Polisie moet die persone wat die pakkie kom opeis inhegtenis neem. Hy of sy het dalk baie inligting, soos wie het dit versend.

Duitswes ·

SA is nou ‘n geruime tyd al die goue middeweg vir dwelmhandel en muile; dit sluit fauna & flora smokkelhandel in soos bv renosterhoring en leeu gebeentes. Ons wette is te verkramp om die dwelmbase en hul gespuis vas te vat…’ALLES’ onder die son het mos ‘n prys. Ek stel voor ons bou ‘n maksimum gevangenis op Marion en gee oortreders lewensvonnisse met harde arbeid; beste sou gewees het die ‘DOODSTRAF’ soos in vele ander wereldlande

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.