Miljoene rand se perlemoen gekonfiskeer

Foto verskaf deur SAPD Wes-Kaap

Vyf persone is in hegtenis geneem en polisiebeamptes het beslag gelê op miljoene rand se perlemoen tydens ʼn klopjag op ʼn huis in Table View, Kaapstad.

Kapt. FC van Wyk, woordvoerder van die polisie, het gesê goeie speurwerk het tot die klopjag gelei. “Beamptes het die perseel betree ná hulle gesien het ʼn silwerkleure Mercedes-Benz hou omstreeks 12:00 voor die huis stil en die insittendes dra verskeie swart sakke in die huis in. Twee van die vertrekke is omskep in droogkamers met rakke vol gedroogde perlemoen.”

Polisiebeamptes het bokse met sakke vol perlemoen in die sitkamer gevind. “Hulle het ook beslag gelê op toerusting, insluitend gasbottels, waaiers, rakke en skale.”

Die vyf persone, tussen 20 en 33 jaar oud, sal op 23 April in die Kaapstadse landdroshof verskyn op aanklagte wat met die oortreding van die Wet op Mariene Hulpbronne verband hou.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Andreas

Maar dit hou net nie op nie! Bou ‘n vervlakste muur om die see. Waar is Trump?

Cherokee

Dink dit is kuns-perlemoen. Teen die tempo wat perlemoen gestroop word kan daar omtrent nie meer regte perlemoen (en regte renosters) wees nie.

Johanna Botha

Oor en oor dieselfde ..
Gaan die verdompde polisie ooit hulle hand op die situadie kry !

Elna

Wat maak hulle met die perlemoen en wat maak hulle met dit wat gekonfeskeer word? Kort kort lees mens van perlemoen stories wat gaan aan?

willem Botha

Ek vind dit altyd snaaks fat die polisie so aktief is met die aankeer van perlemoen stropers,maar maak nie handhaaf af as dir by ander misdade kom nie laat mens nogal dink.