‘Minder praat, meer doen’, sê NVP oor werkberaad

President Cyril Ramaphosa
(Oktober 2018) Foto: Kopano Tlape/GCIS

Die Nasionale Vryheidsparty (NVP) het Donderdag die tweedaagse werkberaad wat deur pres. Cyril Ramaphosa saamgeroep is onder beskerming van die Nasionale Ekonomiese Ontwikkelings- en Arbeidsraad (oftewel Nedlac), verwerp.

Sabelo Sigudu, woordvoerder van die NVP, het gesê daar is absoluut geen behoefte aan ʼn werkberaad in Suid-Afrika nie.

“In plaas daarvan moet die regering sy beleide implementeer en die ontplooiing van kaders wat nie regeringsbeleide kan implementeer nie, verminder. Die verhoogde 53,7%‑werkloosheidsyfer onder die jeug in die tweede kwartaal van 2018 moet as ʼn les dien vir die privaat sowel as die openbare sektor om minder te praat en meer te doen.”

Die NVP het ʼn beroep gedoen vir ʼn jeugwerkloosheidstoelaag vir gegradueerdes wat werk soek. “Dit sal die werklose gegradueerdes in staat stel om die minimum hulpbronne te hê wat hulle in staat sal stel om aansoek te doen. Dit is ʼn feit dat jongmense ʼn hele klomp agterstande ervaar wanneer dit by toegang tot werksgeleenthede kom.”

Hy het ook gesê jongmense wat werk soek, moet toegelaat word om regeringskantore te gebruik om hul CV’s uit te druk as ʼn tydelike verligtingsmaatreël.

Sigudu het gesê hulle doen ʼn beroep op die mense van Suid-Afrika om nie om die bos gelei te word deur die werkberaad nie aangesien dit nie die ernstige struwelinge wat deur gewone inwoners en die meerderheid van die werklose jeug ervaar word in aanmerking neem nie.

Die NVP meen dié beraad is net nog ʼn “fees van idees” wat nie in dade omgeskakel sal word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Daan Erasmus

Dit is net nog ‘n gepratery. Skaf net alle minimum lone af en dinge sal dadelik beter gaan.

Koos

Mnr Ramaphosa, ek stem saam met die NVP dat jy ons almal se tyd mors met die sg. werkberaad – sal soos alle ander kommissies, ens. , ook maar na maande en jare op niks uitloop nie. Maak ‘n slag julle oë oop en besef dat hierdie land van ons, met sy huidige ontwikkelingsvlak, reeds versmoor word met die geweldige hoë bevolkingsaanwas wat die ANC net verder aanmoedig met kindertoelaes wat betaal word. Stop hierdie onnodige staatsuitgawe summier en bereik die volgende: 1. Meer fondse beskikbaar om werklike ontwikkeling in die onderontwikkelde gebiede te kan doen. 2. Laer bevolkingsaanwas wat… Lees meer »

IK

Dit staan soos ‘n paal bo water: ‘Elke land het ‘n regering wat hy verdien.’ Dit sluit SA in. So hou dus noord . . .

David

Elders gelees hy wil 275000 werksgeleendhede skep, bo en behalwe die 300000 wat reeds beloof is. Ook, om redelik te wees, moet hulle opvang met die 69000 wat in die eerste kwartaal verloor is.
As mens verlofdae ignoreer, is daar 249 werksdae in Suid Afrika.
Dus wil hy 644000 poste skep teen ‘n tempo van 2763 poste per werksdag.
Net ‘n dwaas kan so iets glo.

jean

En die praat word uitstekend gedoen en dis waar dit bly…..almal weet al teen die tyd dat die werkloosheid in die land die minderheid se skuld is…..