Mini-begroting: Goeie nuus oor BTW

Argieffoto (Foto: stevepb, Pixabay)

Tito Mboweni, minister van finansies, het Woensdag tydens sy mediumtermynbegroting bekend gemaak dat nog produkte van belasting op toegevoegde waarde (BTW) vrygestel gaan word.

Mboweni het verwys na die paneel van kenners wat ondersoek ingestel het na maniere om die impak van die BTW-verhoging op laerinkomste-huishoudings te versag. Volgens Mboweni het meer as 30 000 individue en NRO’s kommentaar op die paneel se aanbevelings  gelewer.

Mboweni het gesê na aansienlike debat en konsultasie is besluit dat koek- en witbroodmeel en sanitêre produkte vanaf 1 April 2019 van BTW vrygestel gaan word. Die minister het gesê dit sal ʼn inkomsteverlies van sowat R1,2 miljard tot gevolg hê maar dat dit die “waardigheid van ons mense” sal herstel.

Koolstofbelasting sal nou eers in Junie 2019 in werking tree en nie meer in Januarie nie, het Mboweni aangekondig.

Mboweni het ook tydens sy toespraak daarop klem gelê dat die regering sy geld beter kan bestee. “Te veel geld verdwyn. Ons moet goeie regering herstel en korrupsie in al sy vorme beveg. Geld wat uit die stelsel verdwyn, is nie meer beskikbaar vir ons pogings om armoede te verminder en die las op die armes te verlig nie.”

Mboweni het onderneem dat hard gewerk sal word om vrugtelose, ongematigde en onreëlmatige besteding te bekamp.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
JK

Talk is cheap.

Hoe nou.......

Blah Blah blah……bewys eers dat julle korrupsie kan beveg!

Genieve

En die geld wat so uit die koffers wegraak hoe gaan dit terug gekry word. Ons gaan net betaal agv die petrol pryse wat elke maand die hoogte inskiet.

Eish

Is dit al?

Rerig???

Ja sodat die wat karre kan bekostig meer op brandstof moet betaal en seker word die rokers en drinkers se btw meer….