Minister betreur talle sterftes op SA paaie

Argieffoto van ‘n ongelukstoneel. (Foto: Itumeleng English/ANA)

Die minister van vervoer, Fikile Mbalula, het die onlangse vlaag padsterftes op die land se paaie betreur.

Verskeie dodelike ongelukke wat elk heelparty lewens geëis het, is die afgelope week in die Wes-Kaap, Vrystaat, KwaZulu-Natal, Limpopo en Mpumalanga aangemeld.

Die minister het ʼn beroep op alle Suid-Afrikaners gedoen om deel te neem aan die veldtog om die land se paaie veiliger te maak.

“Padveiligheid is ʼn gesamentlike verantwoordelikheid wat ons almal moet dra. Elkeen van ons weet watter individuele bydrae ons kan maak om ons paaie veiliger vir ons kinders en toekomstige geslagte te maak. Dit begin by ʼn verandering in die gedrag wat die lewens van ander padgebruikers in gevaar stel,” het Mbalula gesê.

Volgens die minister doen die departement daadwerklike stappe om die slagting op die land se paaie te verminder. “Die implementering van die Wysigingswetsontwerp op die Administratiewe Beregting van Padverkeersmisdrywe (Aarto) gaan nie net oor ʼn doeltreffender manier om verkeersoortredings te bereg nie, maar ook om as doeltreffende aansporing te dien vir motoriste om hulle gedrag te verander,” het hy gesê.

Volgens Mbalula is planne om verkeerspolisiëring 24 uur van die dag en elke dag van die week te implementeer, ook onderweg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
humor

Hierdie minister en die ene Lesufie is voordurend erg gebroke en aan die rou. In die lig van geen vordering kom dit voor dat dit krokediltrane is.

Chris Ws

“Minister” Mbalula weet nie wat op ons paaie aangaan nie.Hy dink ARTO gaan sy werk vir hom en sy verkeers manne doen maar hy begaan ‘n REUSE fout.Arto gaan G E E N uitwerking he op die aantal bestuurders wat op sperstrepe verby snel,bestuurders wat snelheids perke oorskry of wat nie die afstand van ‘n aankomende voertuig kan reg skat wanneer hy /sy ‘n voertuig wil verby steek nie.My innige simpatie Minister Mbalula!

Ben

Begin eerste by die taxi bestuurders en stel n wet in dat alle motervoertuie ouer as 3 jaar, getoets moet word op gebreke en padwaardigheid en sertifiseer. Dán gaan dit heel wat veiliger wees op ons land se paaie. Én maak die gate in die paaie toe. Moenie net sit en treur nie!

Tanya

Eerste begin by die toets gronde waar daar omkoop geld vir rybewyse uit geryk word. Daar is baie maniere om uit te vind wie regtig kan bestuur en nie bestuur nie

Elna

Ben jy praat baie waar hierdie land se paaie is in n patetiese toestand orals. Dit word net so gelos en volgens n taxi bestuurder is die sperstrepe en verkeers tekens net n krismis dressing op die pad hulle het geen vaagste benul waarvoor die pad tekens is nie.