Minister gekap ná aankondiging oor hulp aan boere

Minister Thoko Didiza. (Foto: GCIS)

Thoko Didiza, minister van landbou, grondhervorming en landelike ontwikkeling, het onder skoot gekom ná haar aankondiging dié naweek oor die getal boere wat finansiële hulp ontvang uit die staat se landbourampbestuursfonds.

Didiza het bekend gemaak dat 55 155 kleinboere aansoek gedoen het om finansiële hulp van wie 15 036 se aansoeke ter bedrae van R500 miljoen reeds goedgekeur is.

TLU SA beskuldig Didiza nou daarvan dat haar departement slegs hulp vir bestaansboere aanbied wat hoofsaaklik ANC-ondersteuners is.

“As die doel is om voedselproduksie in die land te verseker, moet haar departement ook kommersiële boere help wat effektief verantwoordelik is vir Suid-Afrika se voedselsekuriteit,” het Louis Meintjes, die president van TLU SA, Maandag in ʼn verklaring gesê.

Maroela Media het vroeër berig die departement het vroeër R1,2 miljard deur die Covid-19-landbourampbestuursfonds bewillig om veral kleiner boere te help om te midde van die ekonomiese krisis staande te bly. Boere met ʼn omset van tussen R50 000 en R1 miljoen per jaar kon aansoek doen om hulp.

Argieffoto (Foto: AfriForum)

Volgens Meintjes dra die aantal kleinboere wat tot dusver vir dié hulp goedgekeur is, slegs tot 1,9% van die nasionale kosmandjie by. “Minister Didiza se verklaring dat dié finansiële steun voedselproduksie moet verseker, is dus ʼn blatante leuen,” meen Meintjes.

Die VF Plus het op sy beurt die minister gekap omdat droogtehulp aan kommersiële boere nie meer aandag van die departement geniet nie.

“Die departement van landbou hou hom besig met lippetaal en skenk nie genoegsame aandag aan Suid-Afrika se huidige en toekomstige voedselsekuriteit nie,” het Tammy Breedt, LP en woordvoerder van die VF Plus, in ʼn verklaring gesê.

Breedt het benadruk dat Suid-Afrika in Maart vanjaar as ’n amptelike droogte-rampgebied geklassifiseer is. Die party voer nou aan dat beloftes ten opsigte van ʼn plan oor ʼn finansiële inspuiting en droogtehulp aan boere nog nie gerealiseer het nie.

“Die effek van die droogte op Suid-Afrika het nie verdwyn met die aankoms van die Covid-19-pandemie nie. Die probleme wat geheers het voor die uitbreking van die virus behoort te midde van die afsondering steeds prioriteit te geniet,” het Breedt gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Tino

Sosialiste gaan lekker honger wees binnekort maar bestaans boer ry ‘n lekker nuwe bakkie. cANCer se idee van opheffing. Versmoor die een wat bydrae en betaal die een wat niks doen vir die land nie.

Puik julle!

SomeOne

die regering dwing ons wit boere en al die wittes wat waardes het om terug te keer na voor 1994, alle tekens wys daarop

Adam Adriaan

Los maar:……………. Honger is die beste kok!!

Kokerboom

Bestaansboere is wat die term bedoel: BESTAAN. Te veel klem word gele op die tipe boerdery en kommersiele boedery is die afskeepkind. Laasgenoemde is die spens van die land en dis hoog tyd dat die sektor die aandag en finansiele hulp kry wat dit toekom. Dis die sektor wat die dorpe en stede van broodnodige voedsel voorsien. Dis die sektor wat die nodige voedselsekerheid daar kan stel. Dis NOU tyd dat die staat sy politieke twak los en ophou diskrimineer op grond van ras( erken daar is swart kommersiele boere) en die sektor die krediet gee wat dit toekom. Indien… Lees meer »

Marius

Dit is agv sulke belaglike stellings sat ek myself nie n sent gee vir enige donasie wat met die regering te doen het nie . Hulle baie vinnig om bakhand te staan en bedel by wit mense maar vra die wit mense vir hulp is dit net die regering en sy mense wat gehelp word . Nou vra ek , WAT NOU????