Minister pleit vir einde aan ‘terreur op ons paaie’

Bernard Groenewald (Foto: Facebook)

Fikile Mbalula, minister van vervoer, het Saterdag sy medelye betuig met die familie van die vragmotorbestuurder wat Vrydagaand aan sy beserings beswyk het nadat hy vroeër aangeval is.

Bernard Groenewald het sowat twee weke gelede ernstige brandwonde opgedoen toe sy vragmotor langs die N1 naby Touwsrivier in die Wes-Kaap aan die brand gesteek is. Hy was sedertdien in die hospitaal onder verdowing en aan ʼn ventilator gekoppel.

“Dit was ʼn sinnelose moord. ʼn Onskuldige man is vermoor, ʼn eggenoot en bydraende lid van ons samelewing is gruwelik aangeval,” het Ayanda Allie Paine, woordvoerder van die departement, in ʼn verklaring gesê.

Paine het Groenewald se familie en vriende asook landsburgers daarvan verseker dat die regering alles in sy vermoë doen om kalmte in die vragmotorbedryf te weeg te bring en te verseker dat ’n aanval van dié aard nooit weer gebeur nie.

Die aanval op Groenewald het gekom te midde van talle aanvalle op vragmotors en brandstigting wat die afgelope maand reg oor die land plaasgevind het.

Mbalula het ʼn beroep op wetstoepassingsagentskappe gedoen om alles moontlik te doen om brandstigters aan die pen te laat ry en ʼn einde te bring aan “die terreur op ons paaie”.

Maroela Media het vroeër berig Groenewald het derdegraadse brandwonde oor 60% tot 70% van sy lyf opgedoen toe boosdoeners op 2 Junie ʼn petrolbom deur die venster van die vragmotor gegooi het waarin hy in die vroeë oggendure langs die pad gelê en rus het.

Groenewald was 30 jaar lank in die vervoerbedryf.

’n Roudiens word op 21 Junie om 15:00 in die NG-Kerk Suid in Mosselbaai gehou.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

28 Kommentare

Lollie ·

Hou op met pleit en doen iets drasties! Die sondebokke het niks wat hulle vrees nie. Aanhou pleit gaan niks verander nie!
Oor die algemeen word niks aan misdaad gedoen nie. Wys ons bietjie dat die ANC meer kan doen om dit te bestry of is dit meer verantwoordelikheid as waarvoor julle ‘gebargain’ het? ‘Put your money where your mouth is!’

Timjan ·

Dankie minister. Saammet jou sal daar werk gemaak word. Eerste man in jare wat n probleem raaksien en iets gaan probeer doen. Los hierdie probleem op en ek stem vir jou tot jy president is. Jy is n man om so uitlating te maak. DANKIE

Spike ·

mbalula. Dit is te laat. afrika is so opgevoed. Sal nooit verander nie.

Rupert Ashford ·

Hulle kan dit verander. Kyk na Botswana. Maar die lot het van dag 1 af na 27/04/94 gewys dat hulle liewer vir die misdadigers regeer as vir die slagoffers. En in Afrika word dit as swakheid gesien.

???????? ·

Onthou !!!!! Hierdie is die 2e wereld oorlog en ons is vir hulle soos die Jode!

Ella ·

Mnr Mbalula jy is die eerste minister wat reageer op hierdie moord. Dankie daarvoor. Jou en me Allie Payne se meegevoel met die gesin word waardeer. Beter beskerming en veiligheid vir almal sal eintlik baie verder gaan.
Hy is n eggenoot, pa, iemand se seun en vriend en werkgewer en dit is alles tot niet.
Wie doen hierdie en ander wrede misdade, moord, verkragting en verminking?
Jou mense wat nie meer respek het vir die lewe van ander mense en hul goed nie.
Leer hulle weer wat reg en verkeerd is. Dit sal ook help as daar minder verkeerde uitsprake gemaak word teen, veral ons, julle landgenote.
Hoekom kan ons almal nie in vrede lewe in hierdie land?
Ons is nie julle vyand, almal is nodig om n vreedsame, veilige en vooruitstrewende land te bou. Respek vir lewe moet hervestig word.

John ·

Dit is wat gebeur as mens uit 2 monde praat: Pleit en haat strooi. Die minister is ‘n grap met sy veelkleurige brille… Miskien gaan hy binnekort die teaterwèreld bestree of die weermag… afhangende van hoeveel vloekwoorde hy betyds onder die knie kan kry.

Dries du Toit ·

Dit is nie net die dood van n vragmotor bestuurder nie. Dit is die uitruk van n broodwinner uit n familie. Bitter swaar tye wat voorle vir mense wat moet aangaan onder totaal ander omstandighede. Intussen gaan die moordenaars lustig voort op hulle verwoestende tog. Here help ons

Etta van der Merwe ·

Dries, ek roep ook: Here, help ons!! Die pyn wat Bernard Groenewald gehad het moet onbeskryflik wees. Sy gesin se hel begin nou. Waarmee het ons te doen? Nie eers my diere kan vergelyk word met sulke optrede nie! Ek dink aan die Groenewald gesin wat vir altyd sal onthou hoe hul geliefde gesterf het….

HM ·

Innige simpatie vir die familie. Daardie persone wat verantwoordelik was moet onthou daar is altyd n eendag om rekenskap te gee.

Jacobus Krynauw ·

Mbalula is ‘n mooi een. Die helbriek is los en die regerende party is blybaar heeltemal tevrede met die toedrag van sake.

Jack Klok ·

Die grootste misdadigers is ook die grootste ondersteuners van die ANC, naamlik lede van vakbonde in die COSATU stal. Die ANC het die reg om te staak verhef tot ‘n vlak waar vakbondlede enige onbesonnendheid kan aanvang, ongeag of dit skade, beserings en/of dood veroorsaak, sonder dat hulle aanspreeklik gehou word omdat dit steunverlies tot gevolg sal hê.

Pleit vir staking van geweld op die paaie is pure krokodil trane. Die mense wat die geweld pleeg steur hulle nie aan landswette nie en die SAP en die regtelsel pas nie landswette toe nie. Dus wir moet nou die geweld staak? Gewone landsburgers? Nee, tog nie net die at daaronder ly nie. Hulle mag nie wet in eie hande neem nie en as ‘n witte ‘n swarte bietjie skeef aankyk of oneerbiedig aanspreek kry jy sommer ‘n boete van R500000 of word aangekla van moord.

Ek sien daar is deedae videos op TYOutube waar lekker die spot gedryf word met die onbevoegde ANC. Die wereld bewonder lankal nie meer die ANC nie. Hulle het ‘n voorwerp van bespotting geword.

simone ·

Hy was so goeie mens gewees en het altyd so hard gewerk vir sy kinders.
rus in vrede oom.
xxx

Penellope Jones ·

Die Publiek smeek en pleit al vir baie lank, maar die regeringsore is doof. . . . .

Andreas ·

Maar was hy dan nie op ‘n stadium adjunkminister en daarna minister van polisie nie, wat het hy toé gedoen om die land ‘n beter plek te maak?

chrisjan ·

Die minister van vervoer moet vir ‘n slag in sy loopbaan as minister iets DOEN en nie net praat nie.

Attie. ·

Die taxi oorlog het oorgegaan in ‘n vragmotoroorlog. Verminder die vragmotors op ons paaie en bring die spoorwee weer in diens. Of kan ons regering nie spore bou nie of wil die vakbonde nie he day spore gebou word nie?

Attie. ·

Nou wil ‘n klomp weer kwansuis grens toe gaan. Ek met my jaggeweer en jy met jou haelgeweer. Dit laat my dink aan die fiasko in 1994 toe die AWB in hul Mercediese kwansuis Boputaswana ingeval het. Mense die grens is nie meer by Rundu en Katima nie, die grens is nou sommer hier by jou tuinmuur.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.