Minister sê Poskantoor sal toelaagbetalings oorneem

Siyabonga Cwele, minister van telekommunikasie (Foto: Chantall Presence/ANA)

Siyabonga Cwele, minister van telekommunikasie en posdienste, het Maandag takbestuurders van die Suid-Afrikaanse Poskantoor gemaan om hul sokkies op te trek en die nodige infrastruktuur te installeer te voorbereiding om welsynstoelae aan miljoene begunstigdes uit te betaal.

Cwele het Maandag die Poskantoor by Pan Africa Mall in Alexandra besoek om self te kyk hoe die betalingstelsel werk en terugvoer te kry om behoorlike betalingsplanne te verseker.

Die minister van maatskaplike ontwikkeling en Cwele het Vrydag in ʼn gesamentlike verklaring gesê die Poskantoor en die Suid-Afrikaanse agentskap vir maatskaplike sekerheid (Sassa) sal op 30 September gereed wees om die betalings oor te neem, en dat die CPS-kontrak nie hernu sal word nie.

Die betrokke poskantoortak het egter nog steeds nie die nodige toerusting gehad nie en was nog nie gereed om welsynsbetalings aan honderde begunstigdes uit te betaal nie. Cwele hou egter vol die Poskantoor is gereed vir die taak.

Die Pan Africa Mall-tak het slegs twee (uit vier) werkende rekenaars, het nie stoele of banke nie (wat beteken bejaardes en siek persone moet in lang rye staan), en het eers om 08:30 sy deure oopgemaak, terwyl welsynstoelaagbegunstigdes al van 07:00 voor die poskantoor in ʼn ry gestaan het. Die begunstigdes het wel hul betalings ontvang, al was dit teen ʼn slakkepas.

“Plaaslike bestuurders moet met Sassa gesels indien masjiene nie werk nie. Ons glo die stelsel sal verbeter hoe langer ons daarmee werk. Ons is vol vertroue dat ons van 1 Oktober die betalings by CPS kan oorneem,” het Cwele gesê.

Volgens hom sal ʼn tegnikus ontbied word om die rekenaars by die betrokke poskantoor te herstel. “As vier rekenaars werk, dan sal dit baie vinniger wees. Dis die dinge wat ons moet oplos sodat ons die druk kan verlig op die begunstigdes en op ons werknemers.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
John

Gesels met Sassa as die masjiene nie werk nie… Soveel onderduimsgeit is orals aan die orde van die dag en die poskantoor is nie eintlik ‘n rooi weerligstraal nie. Pak maar padkos in.

Wilma

Hierie easypay groenkaarte is n euwel. Raak ontslae van dit. Mense raak al armer met easy pay kaarte

Hansie Slim

En as hy sê trek sokkies op dan gebeur alles wonderbaarlik… asseblief!!!
Jy sal nog leer as jy nie reeds het nie!!!

zoom zoom

Poskantoor kan nie eerd posaflewer nie. Nou wil hulle toelaas uitbetaal tot hulle weer besluit dit tyd om te strike.

Ondersteunet

En wat van al die mense wat nou rondhang in besigheidsareas en wag dat die toelae uitbetaal word. Honderde mense rondom n poskantoor. En wie sorg vir ekstra veiligheid? Stuur maar beter jou goed met n kurier en vermy inkopies op hierdie dae in areas met n poskantoor.