Minister soek duidelikheid ná SA spelers nie die knie buig

Minister Nathi Mthethwa. (Foto: Kopano Tlape/GCIS)

Nathi Mthethwa, die minister van sport, kuns en kultuur, bevraagteken die Suid-Afrikaanse spelers in die Gallagher Premiership se besluit om nie die knie vir die Black Lives Matter-beweging te buig nie.

Die Sale Sharks se agt Suid-Afrikaanse spelers, Rob du Preez (losskakel), Faf de Klerk (skrumskakel), Dan du Preez (agtsteman), Jono Ross (kaptein en flank), Lood de Jager (slot), Jean-Luc du Preez (slot), Akker van der Merwe (haker) en Coenie Oosthuizen (stut), het nie Vrydagaand die knie voor hul wedstryd teen Harlequins gebuig nie.

Die spelers het egter steeds gewys dat hulle teen rassisme gekant is deur T-hemde te dra met die woorde “Rugby against Racism” daarop. Hoewel vier spelers in die beginspan die knie gebuig het, het Manu Tuilagi – die Engelse internasionale speler van Samoaanse herkoms –ook staande gebly.

Maar die omstrede Mthethwa was nie gelukkig met dít wat hy in Engeland gesien het nie.

In sy toespraak oor sy departement se Covid-19-hulpfondsstrategie het die minister gesê dat hy in verbinding met Saru se president, Mark Alexander, was.

“Hoewel ons nie die wa voor die perde wil span nie rakende die spesifieke aangeleentheid van die Suid-Afrikaanse spelers in Engeland wat nie die knie ter ondersteuning van die BLM-beweging gebuig het nie, wil ons graag weet wat aangaan en wat SA Rugby se houding hieroor is,” het Mthethwa gesê.

“Ons het gesien dat hulle T-hemde ter ondersteuning van BLM gedra het, maar hulle het nie die knie gebuig nie. Toe ek dit gesien het, het ek vir Saru se president gevra om te verduidelik wat gebeur het sodat ons op dieselfde golflengte is.”

Volgens Mthethwa was die hele land bankvas agter die Springbokke gedurende verlede jaar se suksesvolle Wêreldbekerveldtog in Japan en sal rassistiese gedrag en houdings nie geduld word nie.

Hy het bygevoeg dat Saru oor die aangeleentheid sal vergader.

“BLM is belangrik. Die feit bly dat swart spelers al onder rassisme in Suid-Afrika deurgeloop het. Daar is diegene wat rassisme in die geheim beoefen en ons sal hulle jag omdat ons die pyn ken wat rassisme veroorsaak.”

Hy het bygevoeg dat ’n ware nierassistiese samelewing nie iets oppervlakkigs moet wees nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

97 Kommentare

jongste oudste gewildste
Kaptein67

Sorry Nathi, ek kniel net voor God. Waneer gaan dit deurdring tot die mense dat hulle niks kan afdwing nie.

Joggie

Staan agter die spelers wat weier om voor terrosiste te buig!

Nie Verbaas

En enige trotse en regdenkende mens sal argumenteer dat ALL LIVES MATTER. Stop tog julle minderwaardige BLM propaganda beweging. Wil julle kommuniste nou vir ons nog verder probeer voorskryf wat ons moet doen? Ek sal ook nie knie buig nie. Net voor God word knie gebuig.

Karen

Nes mens dink jy het alles gehoor, gesien of gelees……..SA se ministers is die beste sirkusnarre……plaas hy doen vir ñ slag sy werk waarvoor hy betaal word!!!!

Termiet

Ek daag jou uit om my te kom jag. Ek sal NOOIT my knieg buig vir jou blm nie. As ek ‘n rasis is daaroor kom jag my dan asseblief.