Minister vaar uit na hof teen Caster beslis

Minister Nathi Mthethwa. Foto: Siyabulela Duda/GCIS

Nathi Mthethwa, die minister van sport, kuns en kultuur, meen die geveg rondom Caster Semenya se deelname aan wêreldatletiek is nog lank nie verby nie.

Semenya het haar stryd teen die Internasionale Vereniging vir Atletiekfederasies (IAAF) se reëls oor testosteroonvlakke Dinsdag finaal verloor toe die Switserse federale hooggeregshof haar appèl teen die beslissing van die Internasionale Hof vir Sportarbitrasie (CAS) van die hand gewys het.

Mthethwa het gesê die hooggeregshof se beslissing is “jammer en aanstootlik vir die fundamentele menseregte van vroulike hiperandrogene atlete”.

“Ons sal as die regering van ʼn demokratiese Suid-Afrika, ’n land wat bekend is vir sy tradisie om basiese menseregte te bevorder en te beskerm, saam met Atletiek SA die beslissing bestudeer en verskillende opsies en maniere tot ons beskikking oorweeg in ons kollektiewe veldtog om hierdie onreg te beveg,” het Mthethwa gesê.

Caster Semenya. Argieffoto.

Wêreldatletiek het egter die uitspraak verwelkom en gesê die regulasies is ’n wettige en proporsionele manier om die reg van alle vroue-atlete te beskerm om op regverdige en sinvolle voorwaardes aan sport deel te neem.

Maroela Media het vroeër berig die CAS het in Mei verlede jaar teen Semenya beslis in ʼn regsgeding om IAAF se nuwe reëls oor testosteroonvlakke in die liggaam te betwis. Die CAS het albei versoeke vir arbitrasie in die verband van die hand gewys.

Die IAAF se nuwe reëls bepaal dat vroue met hoë testosteroonvlakke medikasie moet gebruik om hul testosteroonvlakke te verlaag voordat hulle aan die 400 m, 400 m-hekkies, 800 m, 1 500 m en die myl mag deelneem.

Semenya het op Twitter op die nuus gereageer. “Ek het hierdie stryd lank gelede gewen. Gaan terug na my prestasies, dan sal jy verstaan. Deure kan toe wees, maar nie gesluit nie,” het die atleet ná die beslissing getwiet.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Termiet

Asseblief, gaan vertel jou stories vir Julia’s. Hy sal jou dalk glo.

Theo

‘n land wat bekend is vir sy tradisie om basiese menseregte te bevorder en te beskerm? Praat hy van dieselfde Suid Afrika waarin ek woon?

JohanR

My neef het vandat hy ek die skool uit is lang hare gehad – die 70″s. As ek nou praat van lang hare dan het die tot ‘n poniestert gegroei. Hy is vandag 68, die hare is grys maar die poniestert is nog al die jare daar. Was net afgesny toe hy mag toe is. Nou die vraag wat die familie altyd laggend gevra het as hulle gaan kuier het was “manlik of vroulik?” En ek los die maar daar…..

Stofdonkie

Julius, sal jy met caster uitgaan?
Julius: “He’s not that kind of woman”

Stofdonkie

En nou dink nathi hy is groter as die IAAF en hy gaan hulle vertel wat om te doen? Word wakker nathi-nar, hulle is nie suid-afrikaans dat jy enige mag oor hulle het nie. Bly eerder net doodstil en maak vrede met die reels wat daar gestel is voor jy nog al ons atlete uitgeskop kry.