Minister van finansies gepos

Minister van finansies, Nhlanhla Nene Foto: Departement van kommunikasie

Minister van finansies, Nhlanhla Nene Foto: Departement van kommunikasie

Pres. Jacob Zuma het Nhlanhla Nene, minister van finansies, Woensdag uit sy pos verwyder nadat die rand ʼn rekordlaagtepunt bereik het te midde van ʼn kredietafgradering.

Zuma het die nuus Woensdagaand in ʼn verklaring bekend gemaak en gesê Nene sal na ʼn ander “strategiese posisie” ontplooi word. Nene word vervang deur David van Rooyen, hoofsweep van die parlement se staande komitee oor finansies.

“Mnr. Nene het goed gedoen sedert sy aanstelling as minister van finansies te midde van ʼn taai ekonomiese klimaat. Hy is plaaslik sowel as internasionaal gerespekteer in die sektor, aangesien hy ook vroeër as adjunkminister van finansies gedien het,” het Zuma gesê.

Nene is in Mei verlede jaar as minister van finansies aangestel en het Pravin Gordhan vervang. Suid-Afrika se buitelandse valutakredietgradering is Vrydag van stabiel na negatief hersien.

Die rand het Woensdag nuwe rekordlaagtepunte teenoor die drie vernaamste geldeenhede behaal en het ná die aankondiging verder teruggesak.

Nene was die afgelope paar maande onder politieke druk weens beweerde onmin tussen hom en Dudu Myeni, voorsitter van die beleërde Suid-Afrikaanse Lugdiens. Myeni het glo noue bande met Zuma en is self onder druk weens ʼn omstrede huurkontrak met Airbus. Nene het SAL gewaarsku dat indien ‘n ooreenkoms met Airbus of enigiemand anders gesluit word sonder sy goedkeuring, dit strydig sal wees met die Wet op Openbare Finansiële Bestuur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

47 Kommentare

jongste oudste gewildste
Gerhardt

En toe slaan die Rand sommer R15,59/$. Zuma is ‘n absoluute atoombom vir RSA.

Bach

Het Z motiveer waarom hy dit gedoen het? Is daar dan niemand in ANC met integriteit wat kan opstaan en hierdie malligheid kan stop sit nie. Hulle sal nie uitgestem word nie en ander plan moet gemaak word om die onbevoegde en korrupte man te verwyder. Hoekom beskerm hy SAL vrou tkv SA? Is daar niemand met verstand in ANC nie? Kan die Opposisie nie meer na vore kom nie?

Paul

Die regte ou om te ontslaan is die een wat die #1 pos beset. ‘n Vis vrot van sy kop af en die vis stink al oral.

Gemsbok

Zuma pos ander vir sy eie foute. Suid-Afrika se kredietafgradering is te danke aan Zuma se spandering soos ‘n dronklap aan almal wat help om hom aan stuur te hou. Dit sluit in die reuse salarisse wat hy aan elke klerk en sy maat in die staatsdiens betaal, die reuse toelae wat hy aan die tradisionele leiers en hulle honderde gevolg betaal, die toelaes aan elke swanger tienerkind en loon vir elkeen wat sit en niksdoen. Geld aan Nkandla en sy eie vliegtuig, geld vir Luthuli-huis om halfgebakte stoomketels vir Medupi te laat bou. Geld vir partytjies en KFC en… Lees meer »

Schalk

Nee wat mense. Van hierdie diktator gaan ons nie ontslae raak nie, hy is baie slimmer as wat ons hom krediet voor gee. En die ergste van alles is, ons word stil gemaak as ons praat. Want in SA moet alles mos ge-sugercoat wees voordat dit ge-publiseer mag word. As daar nie ingegryp gaan word van die buiteland nie, is ons dae getel. Dit is net n kwessie van tyd.