Minister verwerp berigte oor korrupsie

Zweli Mkhize, minister van samewerkende regering en tradisionele sake (Foto: ANA/Jonisayi Maromo)

Zweli Mkhize, minister van samewerkende regering en tradisionele sake, sal met prokureurs vergader oor ʼn koerantberig Sondag wat beweer dat hy by korrupsie betrek word.

“Die bewerings in die Sunday Times oor ʼn ‘fasiliteringsfooi’ van R4,5 miljoen wat ek glo geëis het vir ʼn lening wat deur die Public Investment Corporation aan ʼn maatskappy, Afric Oil, toegestaan is, is belaglik en ʼn kwaadwillige versinsel,” het hy Sondagoggend in ʼn verklaring gesê.

“Ek het nooit die loononderhandelinge gefasiliteer nie en ek het nooit enige ‘fasiliteringsfooi’ geëis van die betrokke maatskappy nie. Dit is absoluut onaanvaarbaar dat my naam betrek word by ʼn saak waarmee ek niks te doen het nie. Ek sal regsadvies bekom,” het Mkhize gesê.

Die Sunday Times het berig ʼn skrywe van ʼn Johannesburgse regsfirma het die eis van R4,5 miljoen aan die lig gebring vir die voormalige tesourier-generaal van die ANC en ander ANC-ondersteuners wat die oliemaatskappy gehelp het om ʼn groot lening te bekom van die Public Investment Corporation.

Die “fasiliteringsfooi” word deur regeringskenners beskryf as “hoogs onbehoorlik” en “niks meer as korrupsie nie”, berig die Sunday Times.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Johanna Botha

Gewoonlik as die mense iets ontken dan is dit waar …..

julius

Johanna ons dink dieselfde, eerste wat by my opgekom het is die ontkenning. Nou is die wiel aan die rol en hy gaan in die hof verskyn, nie dat hy iets gaan oorkom nie, maar hy gaan kleitrap vir afrika.

Johan.H

Koerante sal nie met n storie hardloop as dit 100% onwaar is nie,,! Maar gesien dat julle almal hand om die blaas is, en gekyk word na julle track rekord,,Is jy waarskynlik nie onskuldig nie,,,,Oranje pakkie vir jou???

Ver links

Let the courts decide if there was wrong actions and let us not throw stones to someone which is innocent until find quilty.

Selfbeskikking

So sal die korrupsie vir ewig maar net ontken word. Die huidige kultuur aanvaar korrupsie asof dit niks is nie. Ons enigste kans op oorlewing is selfbeskikkingsonderhandelinge, of dit, of vlug.