Minister vra dat eiendomsraad Penny Sparrow ondersoek

Lindiwe Sisulu, minister van menslike nedersettings. Foto: Flickr/GovernmentZA

Lindiwe Sisulu, minister van menslike nedersettings. Foto: Flickr/GovernmentZA

Lindiwe Sisulu, minister van menslike nedersettings, het die Raad vir Eiendomsagentskapsake (EAAB) opdrag gegee om die voormalige eiendomsagent, Penny Sparrow, te ondersoek na aanleiding van uitsprake wat sy op sosiale media gemaak het.

Ndivhuwo Mabaya, woordvoerder vir die ministerie, het gesê die EAAB is gevra om Sparrow te ondersoek en ʼn verslag saam te stel oor die gepaste stappe wat teen haar gedoen moet word. “Minister Sisulu het die EAAB opdrag gegee om so gou as moontlik aan haar terugvoer te gee oor die bewerings [teen Sparrow] en die stappe wat gevolg moet word. ʼn Vergadering met al die betrokke rolspelers is bevestig, insluitende die eienaars van die franchise [Jawitz] waar Penny Sparrow as ʼn agent werk,” het Mabaya gesê.

Die vergadering sal na verwagting Dinsdag plaasvind. Sparrow kan van die EAAB se register verwyder en die eiendomsbedryf belet word, indien sy skuldig bevind word.

Penny Sparrow se Facebook-inskrywing is wyd op sosiale media gedeel. Foto: Twitter

Penny Sparrow se Facebook-inskrywing is wyd op sosiale media gedeel. Foto: Twitter

Maroela Media het vroeër berig Sparrow het ʼn herrie veroorsaak nadat sy op haar Facebook-blad na swart mense op Durban se strande as “ape” verwys het “wat net rommel strooi en moeilikheid maak”.

Die DA het intussen stafregtelike aanklagte teen haar aanhangig gemaak en gesê haar partylidmaatskap sal hersien word. Verskeie ander mense het ook aanklagte teen haar aanhangig gemaak en haar by die Mensregtekommissie (MRK) aangegee.

Intussen is Standard Bank se ekonoom, Chris Hart, Maandag geskors nadat hy ʼn inskrywing op Twitter geplaas het wat volgens die bank “’n rassistiese ondertoon” gehad het. Hart het later om verskoning gevra en gesê sy twiet moes in die konteks van stadige ekonomiese groei gelees word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

49 Kommentare

jongste oudste gewildste
Joe

Ek is heeltemal gekant teen rassistiese opmerkings. Daarom is ek ook sterk gekant teen president Zuma se bewerings oor Jan van Riebeeck.
Hoekom is daar nie teen hom ook opgetree nie? Is rassisme net na een kant toe?

Jannie ter Blanche

Wat van ‘n ene Kenny Barrel Nkosi van die Govan Mheki stadsraad se aanmerking op facebook? Gaan hulle nie nou te ver met die arme vrou nie?

Awie

Pleks dat ons verdomde regering al hulle aandag bepaal by die landswye droogte en waterkrisis nou hou hulle, hulle op met snert.

Francois le Cochon

Die antwoord oor hierdie tipe reaksie is vervat in die Bybel. Lees maar Spreuke 12:16.

Fire

small things amuses small minds