Minister waarsku oor spanning rondom buitelanders

Die polisie beheer die xenofobie in Durban se middestad (14 April 2015) Foto: @ECR_Newswatch, Twitter

Die polisie beheer die xenofobie in Durban se middestad (14 April 2015) Foto: @ECR_Newswatch, Twitter

Malusi Gigaba, minister van binnelandse sake, het Donderdag gewaarsku teen die spanning wat tussen Suid-Afrikaners en buitelanders opbou en gesê polisiebeamptes is ontplooi in plekke waar geweld uitgebreek het.

Hy het gepraat in aanloop tot die beplande optog teen buitelanders, wat die Mamelodi Residents Trust Vrydag hou. “Xenofobiese geweld hou geen progressiewe en volhoubare oorwinning in nie. Opportuniste wat aan die geweld deelneem, doen afbreuk aan die menslike samelewing waarvoor ons lank baklei het. Hoewel ʼn meer gematigde benadering sekerlik nie die gewildste uitweg is nie, glo ek dit is die regte ding om te doen,” het Gigaba gesê.

Gigaba het gesê hy het verlede week met die Mamelodi Residents Trust vergader om na hul besware te luister en ʼn beroep op hulle gedoen om hulle van geweld teen buitelanders te weerhou. “Ons moet op ʼn menslike en wettige manier optree, terwyl ons steeds die wesenlike frustrasies van gemeenskappe in ag neem. Humeure sal net lei tot geweld en ander onwettige optrede.”

Hy het gesê die immigrasie-uitdagings wat Suid-Afrika ervaar is nie uniek nie. “Baie lande sukkel met teen-immigrantgevoelens,” het hy gesê.

'n Vredesoptog teen xenofobie wat in 2015 in Durban gehou is. Foto: Verskaf

‘n Vredesoptog teen xenofobie wat in 2015 in Durban gehou is. Foto: Verskaf

Inwoners van Rosettenville het twee weke gelede huise aan die brand gesteek wat vermoedelik aan buitelanders behoort, wat bordele en dwelmhuise bedryf. Soortgelyke geweld het ʼn week later in Pretoria uitgebreek, toe talle buitelanders se winkels in Mamelodi en Atteridgeville geplunder is.

“Ons demokrasie verskans ons swaarverdiende menseregte. Ons is eerstens en belangrikste mense. Hierdie werklikheid kan nie ontken word net weens jou land van herkoms of die dokumente wat jy besit of nie besit nie.”

Gigaba het gesê die ongelukkigheid van die gemeenskapslede wat Vrydag aan die optog deelneem, hou verband met mededinging met buitelanders vir werksgeleenthede, toegang tot ekonomiese geleenthede en beweerde onwettige bedrywighede waarby buitelanders betrokke is.

“Ons het alle veiligheidsbeamptes opdrag gegee om Vrydag sigbaar te wees en wetteloosheid objektief te hanteer, ongeag of die oortreder ʼn Suid-Afrikaner of ʼn buitelander is,” het hy gesê.

“Die oproep vir verantwoordelike optrede is ook met sakeondernemings in die land gedeel. Die sakesektor is ʼn kritiese vennoot in ons pogings om teen-immigrantgevoelens te bestuur en daar word meer van ondernemings verwag.” Hy het gesê dit is noodsaaklik dat ondernemings aan Suid-Afrika se arbeids- en immigrasiewetgewing voldoen.

Pakistan het intussen gesê die land sal veiligheid vir sy burgers verskaf wat aan ʼn alternatiewe teen-xenofobie optog wil deelneem, wat ook vir Vrydag in Pretoria beplan word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
AC

Was dit nie 4 buitelanders wat die Balfour plaasaanval uitgevoer het en 4 mense vermoor het nie? Dit veroorsaak rasse haat tussen Suid Afrika sw burgers. Ek dink ons land se mense is moeg vir buitelanders.

Gielie Hill

Dis presies dieselfde probleem wat Trump in die VSA besig om op te los. Hier is eenvoudig nie grensbeheer nie. Die infrastruktuur kan nie die massa buitelanders hanteer nie. Die ANC is direk verantwoordelik vir xenofobia weens hulle swak grensbeheer.

tom

Die onwettiges hoort nie hier dis als zuma se skuld

Johan. H.

Man sover hou ek baie van daai Trump kereltjie.

mel

Johan ek stem saam. Jy moet sien hoe gaan dit in Swede en Parys Frankryk en Trump wil keer dat dit in Amerika gebeur maar kry die wind van alle kante af. Ek wens ons het n Trump gehad. Hierdie uitlanders by ons hoort nie hier nie. Zuma en kie gee nie om nie want hulle stem vir die gespuis. Daar gaan nog duisende hiernatoe instroom. Wag maar en sien. Dit gaan kom.