Minister wil #FeesMustFall-betogers help

studentebetogings 2015 feesmustfall fees must fall

#FeesMustFall-studentebetogings in Oktober 2015.

Ronald Lamola, minister van justisie en korrektiewe dienste, het aan die portefeuljekomitee oor justisie gesê hy wil beskuldigdes van die #FeesMustFall-betogings bystaan.

Bulelani Magwanishe, voorsitter van die portefeuljekomitee, het gesê Lamola het kommentaar op sosiale media gelewer wat betref aansoeke vir presidensiële kwytskelding van kriminele rekords vir die betrokke betogers. “Hy het aan die komitee gesê hy stel ondersoek in oor watter bystand die betrokke studente ontvang.”

Kanya Cekeshe, wat skuldig bevind is op aanklag van openbare geweld en opsetlike saakbeskadiging toe hy ʼn polisievoertuig tydens die #FeesMustFall-betogings aan die brand gesteek het, is onder andere een van die persone wat aansoek gedoen het om verlof tot appèl teen sy skuldigbevinding in 2017. Die aansoek is Maandag in die Johannesburgse streekhof afgekeur.

Lamola het kort ná die uitspraak in die hof op Twitter geskryf: “We note the dismissal of both the leave to appeal and bail for fees must fall activists Khaya Cekeshe by the Johannesburg Magistrate Court. We’re in the process of urgently assisting him with an application for presidential pardon or other legally available avenues.”

Lamola het sy plasing aan die komitee verdedig. “Ek het dit duidelik gemaak dat daar nie enige algemene amnestie is nie. Almal moet aansoek doen. Ons het dieselfde aanbod gemaak vir Kanya Cekeshe. Hy het intussen aansoek gedoen om verlof tot appèl, so enige presidensiële kwytskeldingsaansoek kan nie in hierdie stadium voortgaan nie. Ons bly beskikbaar om enige #FeesMustFall-betogers by te staan.”

Glynnis Breytenbach, DA-skaduminister van justisie, het gesê Cekeshe is skuldig bevind op twee ernstige aanklagte wat gevolge moet dra. “Dit is juis omdat die wet geïgnoreer word en ernstige oortredings nie enige gevolge dra nie, dat staatskaping kon plaasvind en die strafregstelsel vandag net ʼn leë dop is.”

Breytenbach het gesê as die minister by die saak betrokke sou raak, sal dit ʼn bespotting wees van die harde werk wat die NVG in die verband gedoen het om vervolging te verseker. “Minagting van die reg deur voor te stel dat hul werk ongedaan gemaak kan word deur ʼn eenvoudige streep deur die president se pen is iets wat kommerwekkend vir ons almal moet wees,” het sy bygevoeg.

“As daar nie enige gevolge is vir misdrywe nie, hoe sal die strafregstelsel ooit enigiemand aanspreeklik kan hou vir die ernstige misdade wat nou voor die Zondo-kommissie en ander kommissies aan die lig kom? Op watter basis moet vervolgers en die SAPD hul werk onder moeilike omstandighede bly doen om mense aanspreeklik te hou, as die minister se houding eenvoudig is om van die kriminele rekords ontslae te raak?”

Breytenbach het gesê die benadering klink soos die Zuma-era se benadering tot reg en aanspreeklikheid en is onaanvaarbaar. “Ons Grondwet bepaal dat elke burger gelyk is voor die wet, en enigiemand wat skuldig bevind word aan misdrywe, moet aanspreeklik gehou word vir hul optrede.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Maljan

Die minister behoort sy kop in skaamte te laat sak. Wat hy nou wil doen is n blatante verkragting van die Justisie wat hy moet dien. Die “stakers” het nie bloot opgehou eksamen skryf nie. Hulle het n pad van verwoesting gebaan. Om hom te begenadig, moet hy die dros erkragter ook genade toon.

Michael P

Lekker man.Breek en brand af die minister sal jou bystaan. Wat se bookskap stuur hy uit na die kriminele.

Johan

Dit is ongelooflik dat die Minister brandstigters en geweldenaars wil “help” . Waar gaan die lyn getrek word? Sal alle brandstigters en klipgooiers nou vrygestel word van hulle wandade? Wat is die norm?

Chris

Nou, help vir mnr Janus Waluz om uit te kom op parool of presidensiële begenadiging na soveel jare. Omdat hy van Pole kom dink julle kan hom trap. Weer eens xenofobie.

William

Fees must fall was n EFF prohek. Lamola en Malema was ANCYL leiers en hand om die blaas destyds.