Werner Vermaak, woordvoerder van ER24, het gesê paramedici is omstreeks 01:30 na die toneel ontbied. “Met hul aankoms op die toneel het hulle die bus gevind wat op sy kant gelê het met talle insittendes wat naby die wrak gesit het,” het Vermaak gesê.
“Al die beseerdes het ligte tot matige beserings opgedoen, wat wissel van snye en kneusplekke tot nek- en rugbeserings. Geen ernstige beserings of sterftes is aangemeld nie.”
Volgens Vermaak was die bus vanaf Johannesburg na Malawi onderweg toe die ongeluk plaasgevind het. Die oorsaak van die ongeluk is nie bekend nie en word deur die polisie ondersoek.
Soos by Clarens, gaan die draai in die pad weer die skuld kry?
Sterkte aan diegene betrokke in hierdie onnodige(?) ongeluk.
Watter busdiens? Wat het die bestuurder aangevang? Die drywers van busse moet stadiger ry en baie meer noukeurig opgelei en getoets word. So ‘n ongeluk moet skorsing beteken. Te veel lewens hang af van so ‘n persoon agter die stuur. EN voet op die petrolpedaal.