Misdaadsielkundige wreed vermoor

Dr. Mirah Wilks is wreed in haar huis vermoor. (Foto: Verskaf)

ʼn Misdaadsielkundige wat verlede jaar haar doktorsgraad in haatmisdade verwerf het, is die naweek wreed deur rowers in haar huis vermoor.

Dr. Mirah Wilks (69) se man, Frank (72), het haar Sondagoggend dood in hul huis in Johannesburg aangetref toe hy van die kerk af terugkom. Die rowers het volgens kol. Lungelo Dlamini, polisiewoordvoerder in Gauteng, deur die dak toegang tot die huis verkry. Sy is na bewering 12 keer gesteek en toe keelaf gesny, maar Dlamini kon dit nie bevestig nie en het bloot gesê ʼn skerp voorwerp is gebruik.

“Die polisie wag eers vir die uitslae van die nadoodse ondersoek om die aard van die beserings vas te stel,” sê Dlamini. Hulle is ook nie seker hoeveel rowers haar oorval het nie.

Volgens Wilks se Facebookblad het sy haar doktorsgraad verlede jaar aan Unisa verwerf. Sy het gepraktiseer as traumaberader en het voorheen gedien as voorsitter van die Sielkundigevereniging van Suid-Afrika (PsySSA).

Die Daily Mail berig dat Wilks as jong meisie van Israel na Australië verhuis het, voor sy, haar man en twee kinders later na Suid-Afrika geïmmigreer het. Volgens die Daily Mail het sy onlangs begin met belangrike navorsing oor aanpasbaarheid as oorlewingsmetode.

Dlamini sê twee skootrekenaars en ʼn selfoon is gesteel. Die polisie ondersoek ʼn saak van moord en huisroof, maar niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

71 Kommentare

jongste oudste gewildste
Chris has left

Die lewe hoef nie so te wees nie weet julle? Dis hoekom ek weg is.

Johan

Sulke onnodige wreedheid maak my woedend. Dit uiters ironies dat hierdie arme vrou só moes sterf!

Jaap

#wake up – Iamnotstaying.

Elma

Dit is die lewe in Suid-Afrika. Wat ‘n wonderlike lewe vir misdadigers met ons belasting betalers se geld.

Koos de Meyer.

Dan word daar nog gesê wees nice met hulle. Geen maar geen manier nie. Hierdie moorde maak jou woedend.