Misdaadstatistiek: SA se gevaarlikste provinsie is…

Argieffoto

Argieffoto

Die nasionale misdaadstatistiek van 2015/2016 is Vrydag deur die Suid-Afrikaanse Polisiediens (SAPD), in samewerking met Statistiek Suid-Afrika, in die parlement bekendgemaak.

“Daar is ’n duidelike verskil te bemerk in die wyse waarop die bekendmaking in vergelyking met vorige jare benader is.  Die syfers is duidelik en deursigtig wat die betroubaarheid van die data weerspieël,” het Lorraine Claasen, misdaadanalis van AfriForum Navorsing Instituut (ANI), Saterdag gesê.

“Die moordsyfer van 18 673, wat ’n toename van 4.9% teenoor die vorige finansiële jaar behels, noodsaak dat die SAPD in hulle Back to Basics-benadering op kontakmisdade teen individue moet fokus.  Alhoewel die gebruik en misbruik van drank en dwelms volgens die SAPD baie van die skuld vir die toename moet dra, is daar ook na die verantwoordelikheid, betroubaarheid en professionele optrede van SAPD-lede verwys en is geëis dat hulle in die komende jaar vir ʼn beduidende afname in alle misdade moet sorg,” het sy gesê.

Claasen het ʼn analise van kontakmisdade per provinsie oor dié statistiek gedoen. “Dit toon duidelik aan waar die brandpunte is wat aandag moet geniet.”

Sy het gesê die Noord-Kaap, wat een van die meer yl bevolkte provinsies in Suid-Afrika is, het die grootste toename in gevalle van roof getoon, met ʼn toename van 6.8%. “Daar is nasionaal egter ʼn afname van aangemelde gevalle van 1.5%. Limpopo het weer ʼn geleidelike toename getoon, met ʼn insidentverskil van 163 gevalle in vergelyking met die vorige finansiële jaar. Mpumalanga, die Wes-Kaap en die Vrystaat wys ʼn daling in gerapporteerde gevalle oor dieselfde tydperk.”

Die totale moordsyfer het in 2015/2016 vir die negende opeenvolgende jaar gestyg, tot ʼn totaal van 18 673 moorde. “Slegs in die 2006/2007- finansiële jaar, wat ʼn baie gewelddadige jaar in ons land se geskiedenis was, is daar in die afgelope dekade ʼn groter moordsyfer gerapporteer,” het sy Claasen verduidelik.

Limpopo het die grootste toename getoon, met die Oos-Kaap, Noord-Wes en die Vrystaat met syfers hoër as die Suid-Afrikaanse gemiddeld. In die Noord-Kaap het moord egter afgeneem met 9.9%, alhoewel die gerapporteerde gevalle van poging tot moord in die provinsie toegeneem het met 17.1%.

“Volgens die SAPD kan die aard van die sosiale kontak tussen die slagoffer en die oortreder moontlik die toename van moorde verduidelik. Die meeste moorde vind binnenshuis plaas, die slagoffers en die oortreders is bekend aan mekaar en ʼn groot aantal moorde word ook gepleeg in ʼn opset waar huishoudelike geweld prominent is. Drank- en dwelmgebruik en -misbruik is ook geïdentifiseer as een van die faktore wat die toename in gevalle kan verduidelik.”

Die SAPD wys uit dat hul dossieranalise toon dat die meerderheid oortreders tussen die ouderdom van 18 en 29 is en dat die meeste gewoontemisdadigers is.

Volgens Claasens dui die volledige verslag dat Limpopo die provinsie is wat duidelik die meeste ingryping benodig. “Die provinsie is met reg ʼn fokuspunt vir die SAPD. Die enigste kategorieë wat nie ʼn toename in die provinsie getoon het nie, is diefstal by ʼn residensiële eiendom, winkeldiefstal, vragmotor-/swaarvoertuigkapings en bankrowe.

Klik hier vir die volledige navorsingsverslag.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
Lance

Allerande ander goed kry nou die skuld …darem vir n slag nie apartheid wat al SO holruggery is ….ek se net daar is geen politieke wil van die anc se kant en ook sy polisie mag is net PATETIES ….waarvan dit vir meeste lede net n damn job is waar die 25ste van die maand nie gou genoeg kan kom ….om nie eers te praat van die korrupte en skelm polisie waarvan mens nou deesdae so gereeld lees ….volgende jaar same story met jou kamtige en poeperige back to basics approuch !

Cherokee

Limpopo! Ek is verbaas. Het gedink dat dit die Karoo is want ons loop maar lig as hulle in die omgewing is.

J

Gooi die buurstate se burgers uit SA. Dan val die moord en roof syfers. 1ste gooi Nigerian drug dealers uit dan die res.

vermeende

Desmond Tutu het in die verre verlede op n podium gestaan en gese, 170 moorde n jaar is onaanvaarbaar en hy was reg, SA staan nou al op 18 376.

Kobus

Ek herinner my, sonder om arrogant te wees, voor op die wa te wees, dat ek toenterjare, net na Zuma president geword het, hier en daar ‘n brief aan Rapport gestuur, daarin het ek my argwaan teenoor Zuma uitgespreek, daardie jare al. Ek stel dit nou maar mak. Meestal het ek egter eerder kommetare onderaan artikels geplaas. Ek het ‘n missie gehad. Ek was toe soos ‘n Max van toeterjare met my reguit kommentaar en waarneming, net aan die ander pool. Daardie tyd was ek die vyand wat polities verkeerd geskryf het, so was ek gesien. Ek het baie kommentare… Lees meer »