Misdaadsyfer nie rooskleurig, erken minister

Bheki Cele. Foto: @GovernmentZA/Twitter

Die misdaadsyfer in Suid-Afrika is nie rooskleurig nie, het ʼn teleurgestelde genl. Bheki Cele, minister van polisie, vanoggend in die parlement erken.

Cele het die misdaadsyfers vir 2018-’19 tydens ʼn sitting van die parlementêre portefeuljekomitee oor polisie bekend gemaak, en daarna ʼn mediakonferensie van die parlementêre perskorps toegespreek.

Cele het sy opmerking by die bekendstelling van verlede jaar se misdaadstatistieke in herinnering geroep, toe hy gesê het hy en die polisieleierskap onderneem plegtig dat misdaadsyfers sal daal of stabiliseer, maar beslis nie sal styg nie.

Die syfers wat Cele vandag bekend gemaak het, dui egter wel op ʼn styging buiten in enkele misdaadafdelings. Een soort misdaad wat volgens die polisie skerp afgeneem het, is plaasmoorde.

Sowat 60% van die moorde in Suid-Afrika word oor naweke gepleeg, veral tussen Vrydagaande om 21:00 en Saterdag-voordag om 03:00. Cele het dus met verskeie parlementslede saamgestem dat dit oorweeg moet word om polisiepersoneel meer gereeld vir naweekdiens te ontplooi.

Volgens Cele is een van die grootste uitdagings met die afbring van die moordsyfer die kwessie dat soveel slagoffers hul moordenaars goed ken, want soveel van die moordenaars is verwant aan of getroud met die slagoffers, of goed met hulle bevriend. Dit beteken gewone patrollerings- en beveiligingsmetodes gaan nie werk nie.

Die minister het Suid-Afrikaners daaraan herinner dat die land tot omtrent 2012 gereeld daarin geslaag het om misdaadvlakke te laat daal, en het gevra vir ʼn gefokusde nasionale poging om dit weer reg te kry.

In reaksie het die DA se woordvoerder oor polisie, Andrew Whitfield, gesê die polisie verloor geleidelik die stryd teen veral geweldsmisdaad. Hy het gevra dat alle onbekwame en oneerlike polisiepersoneel afgedank moet word.

Die leier van die VF Plus, dr. Pieter Groenewald, het gesê Suid-Afrika raak ʼn al gevaarliker land om in te woon, soos blyk uit die toename in al sewe kontakmisdade. Dis die eerste keer dat al sewe in een jaar toeneem.

Volgens Groenewald is misdadigers in Suid-Afrika nie meer bang vir die polisie of om ʼn misdryf te pleeg nie. Landsburgers het die volste reg om onveilig te voel en daarop aan te dring dat die regering hulle verdedig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
HEVW

Indien daar n afname in plaasmoorde bestaan, is dit te wyte aan boere wat meer veiligheidsbewus en paraat is en ook die rol wat privaatveiligheisinstansies verrig. Die polisieminister behoort sy dank daarvoor te betuig.

kyk nou net!

Wel hulle kan nie die keer wit mense die skild gee nie!! Want die meeste moorde is swart op wit en swart op swart!

Linda J

Geagte Mnr. Cele, maak jou diens weer ‘n mag. Dring aan om die doodstraf terug te bring, niemand is meer bang om stronkstraf te kry nie. Raak asseblief ontslae van al die lui siek polisie manne wat vir meer as 200 dae by die huis lê met “TEMP INCAPACITY LEAVE” en boonop nog ‘n volle salaris met volle “SERVICE ALLOWANCE” ook verdien. Die polisie is maar net so skuldig aan kurrup.

Johann

En ek moet n WOORD of n STATISTIEK uit die ANC se anargie kaders glo? Dis kern deel van hulle aanslag op die land…kry dit so korrup en onveilig as moontlik. SIEK!!!!!

Piet

SAPS is die kriminele in die land selle soos die anc