MK-veterane oor NUK: Ontbinding ‘onmoontlik’

Carl Niehaus, woordvoerder van die Umkonto weSizwe-militêreveteranevereniging (MKMVA) en ander Zuma-ondersteuners tydens ’n mediakonferensie Vrydag by Nkandla. (Foto: Twitter)

Umkhonto we Sizwe se vereniging van militêre veterane (MKMVA) sê hy het met “ontsteltenis” kennis geneem van die ANC se nasionale uitvoerende komitee (NUK) se besluit om die onmiddellike ontbinding van die MKMVA sowel as dié van die MK-raad te bekragtig.

Die MKMVA sê dit is nou die tweede keer binne ’n tydperk van twee maande dat hy op “’n totale nie-prosedurele en onwettige wyse” ontbind word. Die vereniging meen die ANC se sogenaamde ontbinding van die MKMVA is nié net onaanvaarbaar nie, maar boonop onmoontlik.

“Ons is ’n outonome struktuur en dit is nie wettig of polities moontlik vir die ANC om die MKMVA te ontbind nie,” sê Carl Niehaus, woordvoerder van die vereniging.

Niehaus sê voorts die MKMVA sal voortbestaan ​​as ’n outonome en wettig funksionele vereniging wat beheer word deur die Grondwet.

“Ons kry die indruk dat die ANC emosioneel en uit woede reageer sonder om die party se grondwet en behoorlike prosedures in ag te neem. Dít alles net as gevolg van die MKMVA se steun vir president Jacob Zuma.”

Niehaus het verlede week gesê Suid-Afrika sal deur groot geweld in die gesig gestaar word indien oudpres. Zuma tronk toe gaan. “Ons land sal uitmekaar geskeur word. Daar sal onstabiliteit en oproer wees,” was die MK-veteraan se woorde.

Duarte het vanoggend op haar beurt gesê die MKMVA se dreigemente na afloop van Zuma se vonnis is daarop gemik om demokrasie te ondermyn en is soortgelyk aan die optrede van ekstreme verregses.

Niehaus voer egter aan die MKMVA het nog altyd op ’n vreedsame, gedissiplineerde en wettige wyse opgetree en sal voortgaan om bankvas agter Zuma te staan.

“Die MKMVA se nasionale uitvoerende komitee het môre ’n amptelike, dringende vergadering om die huidige situasie te bespreek.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

29 Kommentare

jongste oudste gewildste
Tokkel

ANC moet net begin hul vet salarisse terughou, veral ou Carel kat sin….

PJ

Duuu, maak jou oe oop…. Die land gaan alreed deur groot geweld, onstabiliteit, oproer en die land is lankal uitmekaar geskeur… Danksy die vetgevreete anc… DS!!

JM

Arme drommel! Carl Niehaus pas nêrens anders in as net by die militêre veterane nie. In die land van die blindes is eenoog koning. Wonder vir wie probeer hy bangpraat met al sy dreigemente.

Willem

Hoe ontbind jy die sirkus?Carl niehaus is die grootste clown!!!!!

Johanncb

Niehaus het nog nóóit al sy varkies op hok gehad nie!