Modelbaas hoor dan eers sy lot

Dawie de Villiers in die hof Foto: ANA

Dawie de Villiers in die hof Foto: ANA

Die uitspraak teen die Johannesburgse modelagentskapbaas Dawie de Villiers, is Woensdag in die hooggeregshofsitting in Palm Ridge uitgestel.

De Villiers staan tereg op verskeie aanklagte wat verkragting, seksuele aanranding en die besit van kinderpornografie insluit.

Hy het skuld ontken op alle aanklagte.

Regter Cassim Moosa het aan De Villiers gesê hy het vroeër versoek dat hy in kennis gestel moet word dat die saak uitgestel gaan word, en dat sy regspan die verrigtinge namens hom kon bywoon.

De Villiers se borgtog is verleng.

Die saak is tot 14 Desember uitgestel.

Lees alle vorige berigte oor Dawie de Villiers op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae