Modise-raadgewer ontken boere bied hulp aan

Foto: eNuus

Foto: eNuus

Thandi Modise, voorsitter van die Nasionale Raad van Provinsies, se politieke raadgewer ontken dat boere in Noordwes Modise met haar boerdery probleme wou help, berig Rapport.

Bejani Chauke ontken verder dat enigiemand hom oor ‘n krisis op die plaas gewaarsku het.

Chauke het reageer op Boeta du Toit, uitvoerende bestuurder van Agri Noordwes, se uitlatings dat Modise tydens ‘n vergadering gesê het dit gaan nie goed op haar plaas nie.

Die plaas Modderfontein is naby Potchefstroom. Modise was toe nog premier van Noordwes.

Du Toit het aan Rapport gesê hy het Chauke in verbinding gesit met Meadow Feeds, ‘n maatskappy wat voer verskaf.

Ferdi van Aswegen van Meadow Feeds is op 6 November 2013 na die plaas om die situasie te evalueer en vyf ton voer, wat Chauke bestel het, af te lewer.

Van Aswegen sê wat hy gesien het was “hartseer” en “skokkend” en dat ‘n plaaswerker aan hom gesê het die diere is twee weke laas gevoer. Van Aswegen het hierna vir Chauke gekontak.

“Ek het hom laat weet om vinnig nog voer te bestel aangesien dit slegs ‘n week of twee sou hou.”

Naudé Pienaar, adjunkhoofbestuurder van Agri Noordwes, het aan Rapport gesê: “Ons het regtig die ekstra myl gestap om haar te probeer help.” – Sapa

Lees ook:
Werker vertel van laaste dae op Modise se plaas
ANC sê oor Modise se plaas
Video: ‘Ergste geval van dieremishandeling in 20 jaar’
‘Modise moet van dieremishandeling aangekla word’
Varke verhonger, vreet glo mekaar op Modise se plaas

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
Jan Lemmer

Dit is nou rerig stank vir dank!

vuilbaard

TIPIES!! Nou is dit die (wit) boere om haar se skuld dat die diere dood is!
Chauke ou perd, jou stelling is ‘n laakbare “cheap trick” van jou kant en doen jy daarmee NOG meer skade aan jou beroep.

Fritz

Die Bybel se hoe jy jou diere behanldel spreek van die tipe mense wat jy is en jou verhouding tot God.

Jasper

Moenie jou pêrels voor die swyne gooi, sodat hulle dit vertrap en omdraai om jou te verskeur nie.

Gerhard Bezuidenhout

Natuurlik sal hy dit ontken dat die wit boere wou help want hulle onkunde om te boer het mos nou op die lappe gekom. Dit verbaas my dat Modise nog die vermetelheid sou he om vir haar kerel n plaas met Landbankgeld te koop.Sy moet nooit weer toegelaat word om n plaasdier te besit nie.Boerdery verg bestuur en monitering want alles spring nie net vanself in plek in nie.